Ekanomika22

Biełaruski ekspart u Jeŭrasajuz skaraciŭsia na 75%. Ci atrymałasia znajści zamienu jeŭrapiejskamu rynku?

Polski ekanamičny instytut apublikavaŭ danyja, jakija tyčacca impartu i ekspartu. Častka spravazdačy pryśviečana Biełarusi i ŭtrymlivaje danyja, jakija nie publikuje biełaruski bok.

Ilustracyjny zdymak. Fota: «Naša Niva»

Sankcyi pracujuć?

Pavodle infarmacyi Polskaha ekanamičnaha instytuta, pa vynikach 2023 hoda na 3/4 skaracilisia abjomy biełaruskaha ekspartu ŭ krainy ES u vartasnym vymiareńni ŭ paraŭnańni z davajennymi pakazčykami.

Aŭtary publikacyi abhruntoŭvajuć 75% padzieńnia tym, što pad sankcyi trapili dźvie samyja prybytkovyja haliny biełaruskaha ekspartu: pradukty naftapierapracoŭki i kalijnyja ŭhnajeńni.

Adnačasova z hetym ekspart ź ES u Biełaruś nie zapavoliŭsia, a ŭ niekatorych krainach pavialičyŭsia. Naprykład, Polšča ŭ 2021-2023 hadach zdoleła pavialičyć ekspart u Biełaruś na 2/3. Takim čynam jana źjaŭlajecca najbujniejšym eksparcioram u Biełaruś siarod usich krain ES.

U davajennym 2021 hodzie na krainy Jeŭrasajuza prypadała 23,7% biełaruskaha ekspartu. Krainy ES zajmali druhoje miesca ŭ struktury biełaruskaha ekspartu. Na trecim miescy išła Ukraina z 13,6%.

Strata 2/3 jeŭrapiejskaha rynku i poŭnaja strata ŭkrainskaha zakranuła kala 30% ekspartu.

Ilustracyjny zdymak. Fota: «Naša Niva»

Razvarot na 180 hradusaŭ

Niahledziačy na takija istotnyja straty, Biełarusi z časam udałosia pieraaryjentavać patoki na Rasiju i krainy Azii.

Pry hetym ekśpiert BEROC Anastasija Łuzhina adznačaje, što składana dakładna acanić, nakolki paśpiachova atrymałasia kampiensavać straty na jeŭrapiejskim kirunku, bo biełaruski bok bolš nie publikuje hetyja źviestki.

«Što tyčycca takich značnych pazicyj, jak naftapradukty i kalijnyja ŭhnajeńni, to pa vynikach 2023 hoda prykładna ŭdałosia adnavicca ŭ fizičnych abjomach da davajennaha ŭzroŭniu».

Sa słoŭ Łuzhinoj, naftapradukty iduć na ekspart u Rasiju i krainy Azii, taksama jość płany naładzić pastaŭki na afrykanski kantynient.

«Popyt na naftapradukty jość, taksama, dziakujučy ŭkrainskim napadam na rasijskija NPZ, popyt raście i z boku Rasii», — adznačaje ekanamist.

Z ekspartam kalijnych uhnajeńniaŭ situacyja vyhladaje nie takoj viasiołkavaj.

Ilustracyjny zdymak. Fota: «Naša Niva»

«Kitaj ciapier zakuplaje vialikija abjomy kalijnych uhnajeńniaŭ, ale suśvietnyja ceny ŭ 2023 hodzie źnizilisia. A z ulikam taho, što kalij — heta padsankcyjny tavar, to Biełarusi davodzicca pradavać jaho z dyskontam, što nie vielmi vyhadna. Tamu dla padtrymki handlovaha bałansu «Biełaruśkalij» vymušany brać abjomami, idučy na źnižeńnie rentabielnaści», — tłumačyć ekanamist.

Taksama śpiecyjalist adznačaje, što ŭ vypadku ź pieraaryjentacyjaj ekspartu z poŭdnia i zachadu na ŭschod, Biełaruś sutykajecca z dadatkovymi łahistyčnymi vydatkami.

Mahčymaści dla rostu abmiežavanyja

«Dastaŭlać pradukcyju praz rasijskija party nie tak zručna, jak było ŭ vypadku z portam Kłajpieda. Ale niahledziačy na heta, ekanomika prystasavałasia da novych umoŭ, i Biełarusi ŭ cełym udałosia kampiensavać straty na rynku Jeŭropy ŭ fizičnych abjomach.

Ale tym nie mienš isnujuć prablemy z naroščvańniem ekspartu, pakolki łahistyčnyja vydatki vyraśli, a transpartnyja arteryi ŭ cełym nie dazvalajuć jašče bolš pavialičvać abjomy pastavak na azijacki rynak. Tamu mahčymaści dla rostu zastajucca abmiežavanymi», — adznačaje ekśpiert.

Akramia taho, pieraaryjentacyja ekspartnych płyniaŭ na Rasiju i krainy Azii tolki ŭzmacniaje zaležnaść Biełarusi ad Rasii, jak finansavuju, tak i łahistyčnuju.

«Naša Niva» — bastyjon biełaruščyny

PADTRYMAĆ

Kamientary2

  • Nie pałochajcie kazła kapustaj
    27.04.2024
    "uzmacniaje" adnosna čaho? Najbolš tuju zaležnaść uzmocnić, kali Biełaruś budzie adkrytym šluzam Rasiei ŭ Jeŭropu. Tady maskali, usie navat dalekija ad ichnych varjackich idej, tak ŭžo tut ukaraniacca, što ich adsiul stahodździami nie vyžanieš. Z pryčyny začynienaha jeŭrapiejskaha hrašovaha šluzu Biełaruś cikavaja Rasiei tolki jak apiryšča ŭ vajnie ź Jeŭropaj. A siońniašniaje tutejšaje čynavienctva razam z tutejšymi hałavarezami nie majuć anijakaj kaštoŭnaści dla Maskovii, kolki b partretaŭ Pucina jany nie viešali sabie na ścienku. Nachlebniki i patžncyjaljeyja sieparatysty, jaki kormiać i cierpiać tolki dla vajny. Los krymskich i dnraŭskich zdradnikaŭ tamu prykładam. Ale kali paśla krachu pucinizma zachodiei hrašovy šluz raptam ar adčynicca, tavarnyja płyni imhnienna źviernuć u bolš vyhodnyja rečyščy. I mabyć užo praz novyja, nie siońniašnija ruki i struktury.
  • Hrošy panam nie pachnuć
    27.04.2024
    «Polšča ŭ 2021-2023 hadach zdoleła pavialičyć ekspart u Biełaruś na 2/3. Takim čynam jana źjaŭlajecca najbujniejšym eksparcioram u Biełaruś siarod usich krain ES»… Hrošy panam nie pachnuć - voś chto hałoŭny ekanamična-finansavy partnior łukašenkaŭskaha režymu na zachadzie. Panoŭ zadavalniaje taki status.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Šrajbman: Ciapierašnija kanflikty ŭ apazicyi ŭžo mała kaho cikaviać14

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku11

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu6

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

U nazvach stancyj mietro na vychadach z padziemki źnikli niekatoryja litary1

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić