U rasijskaj Karačajeva-Čarkiesii napali na narad palicyi, jość achviary
Heta druhi napad u kaŭkazskaj respublicy za tydzień.
Dvoje palicyjantaŭ zahinuli, čaćviora paranienyja ŭviečary ŭ niadzielu ŭ vyniku napadu na narad darožna-pastavoj słužby ŭ Karačajeva-Čarkiesii, jakija napadali zabityja, paviedamlaje Bi-bi-si.
Pa danych palicyi, u 23:20 napadniki padjechali na aŭtamabili VAZ-2109 da časovaha pasta ŭ pasiołku Mara-ajahy, na jakim znachodzilisia prykamandziravanyja palicejskija z Kurhanskaj vobłaści. Złamyśniki kinuli vybuchovaje prystasavańnie i adkryli ahoń z aŭtamatyčnaj zbroi.
«Supracoŭniki palicyi adkryli ahoń u adkaz pa tych, chto napadaŭ, pry hetym na adnym sa złačyncaŭ spracavała vybuchovaje prystasavańnie», — havorycca ŭ pres-relizie paŭnočna-kaŭkazskaha ŭpraŭleńnia MUS.
«Piaciora napadnikaŭ źniščany na miescy», — śćviardžajuć u palicyi. Zahinułyja supracoŭniki MUS — prykamandziravany z Kurhanskaj vobłaści, u tym liku padpałkoŭnik, paranienyja — dvoje supracoŭnikaŭ miascovaj darožna-pastavoj słužby miascovy rashvardziejec i jašče adzin supracoŭnik Rashvardyi z Kurhanskaj vobłaści.
Pasiołak Mara-ajahy znachodzicca na ŭskrainie Karačajeŭska. U hetym horadzie tydzień tamu, u noč na 22 krasavika, byŭ ździejśnieny napad na palicyjantaŭ na vulicy Bazarnaj, kali jany vykonvali abychod terytoryi. Nieviadomyja adkryli pa ich stralaninu, a zatym vykrali ich tabielnuju zbroju.
U SKR zajavili, što «likvidavanyja asoby» ŭ Mara-ajahy apaznanyja jak mierkavanyja ŭdzielniki napadu na supracoŭnikaŭ palicyi, učynienaha 22 krasavika ŭ Karačajeŭsku.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary
U adroźnieńnie ad našaj apazicyi. Jakuju chutčej možna nazvać "psieŭdaapazicyjaj", bo nijakich krokaŭ pa realnaj baraćbie z režymam jad jaje niabačna. Nivodzin režymny dziajač za 4 hady nie paciarpieŭ ad dziejańniaŭ hetaj "apazicyi". Chacia Łukašenka ŭžo adkryta kaža, što viadzie hramadzianskuju vajnu suprać naroda, i šmat ludziej užo zabiŭ rukami svaich "siłavikoŭ".