Bubnač «Karozii mietału» trapiŭ u komu paśla zatrymańnia na kancercie. Hurt spyniaje dziejnaść
Barabanščyk treš-mietał-hurta «Karozija mietału» trapiŭ u komu paśla taho, jak supracoŭniki Rashvardyi ŭvarvalisia ŭ kłub, dzie prachodziŭ kancert. Tam byli zatrymanyja try muzyki i kala 40 hledačoŭ.
«Bubnač» Mark [Biejhun] znachodzicca ŭ komie paśla napadu troch buhajoŭ u čas nižaharodskaj bojni», — napisaŭ lidar hurta Siarhiej «Pavuk» Troicki. Što mienavita adbyłosia ź Biejhunom, Troicki nie paviedamiŭ.
Troicki taksama zajaviŭ «Iźviestijam», što hurt prypyniaje svaju dziejnaść, bo nie moža rekłamavać kancerty i zaprašać tudy ludziej.
27 krasavika ŭ kłub «Nianaviść» u Nižnim Noŭharadzie, dzie z kancertam vystupaŭ hurt, uvarvalisia siłaviki.
Miarkujučy pa videa, hledačam zahadali lehčy tvaram u padłohu, niekatorych ź ich źbili.
Pa słovach dyrektara hrupy Maryi Runovaj, padstavaj stali staražytnasłavianskija simvały» ŭ vyhladzie roznych vobrazaŭ sonca z zahnutymi pa kruzie pramianiami», raźmieščanyja na mierčy kalektyvu.
Na nastupny dzień sud aštrafavaŭ traich muzykaŭ, u tym liku Troickaha, na adnu tysiaču rubloŭ — pa artykule ab demanstracyi zabaronienaj simvoliki. Pavodle suda, Troicki na kancercie pradavaŭ mierč «z vyjavaj simvoliki nacyzmu», a hitarysty «publična demanstravali simvoliku nacyzmu na svaich futbołkach».
Kamientary