U indeksie svabody presy Biełaruś apynułasia pamiž Saudaŭskaj Aravijaj i Kubaj
Arhanizacyja «Reparciory bieź miežaŭ» pastaviła Biełaruś na 167 miesca ŭ svaim štohadovym «Suśvietnym indeksie svabody presy» pa vynikach 2023 hoda. I heta na 10 pazicyj nižej za letašni pakazčyk.
Arhanizacyja «Reparciory bieź miežaŭ» štohod pravodzić analiz umovaŭ dla ździajśnieńnia žurnalistami svaich prafiesijnych abaviazkaŭ. Acenka dajecca pa piaci kryteryjach: biaśpieka, pravavaja baza, palityčny, ekanamičny i sacyjalna-kulturny kantekst. Usiaho ŭ indeksie 180 krain.
Biełaruś tradycyjna ŭvachodzić u «čyrvonuju» zonu — hrupu krain, dzie ŭmovy dla pracy žurnalistaŭ samyja horšyja. Usiaho ŭ joj 36 krain. Ciapier naša kraina znachodzicca na 167 miescy pamiž Saudaŭskaj Aravijaj i Kubaj. Siarod krain byłoha SSSR tolki Turkmienistan apynuŭsia nižej — na 175 miescy.
U toj ža čas Ukraina, ź jakoj Rasija praciahvaje vieści vajnu, u indeksie znachodzicca na 61-m miescy.
Ahulnaja tryvožnaja tendencyja
«U hłabalnym maštabie vidavočna adno: svaboda presy znachodzicca nad pahrozaj z boku tych samych ludziej, jakija pavinny być jaje harantami — palityčnych uładaŭ», — śćviardžajuć aŭtary i źviartajuć uvahu, što ź piaci kryteryjaŭ, ź jakich składajecca rejtynh krainy, mienavita palityčny najbolš źniziŭsia ŭ indeksie za 2024 hod — na 7,6 punkta.
Chto najlepšy i najhoršy
U paraŭnańni ź minułym hodam adbylisia źmieny ŭ kancy śpisu. Takija krainy jak Kitaj (172-je miesca ŭ Indeksie 2024 hoda), Vjetnam (174-je), Paŭnočnaja Kareja (177) sastupili svaje pazicyi Afhanistanu, Siryi i Erytrei, dzie adbyłosia značnaje paharšeńnie palityčnaha kantekstu.
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary