«Svaboda» suprać prapahandy. «Reparciory bieź miežaŭ» zapuścili novy spadarožnikavy pakiet
U ruskamoŭnaj miedyjaprastory źjaviŭsia novy spadarožnikavy pakiet «Svaboda». Ź jaho dapamohaj arhanizacyja «Reparciory bieź miežaŭ» daje dostup da niezaležnych ŚMI, jakija zmohuć viaščać u Rasii, Biełarusi i pa ŭsioj Ukrainie, piša Deutsche Welle.
Novy ruskamoŭny spadarožnikavy pakiet «Svaboda» byŭ aficyjna zapuščany ŭ aŭtorak, 5 sakavika. Pa inicyjatyvie Mižnarodnaj pravaabarončaj arhanizacyi «Reparciory bieź miežaŭ» dzieviać ruskamoŭnych tele– i radyjokanałaŭ ciapier viaščajuć praz spadarožnik na terytoryi ŭsioj Jeŭropy, uklučajučy Rasiju, Biełaruś i Ukrainu, a taksama krainy Blizkaha Uschodu i Paŭnočnaj Afryki.
Tak, u ramkach pakieta «Svaboda» buduć tranślavać svaje prahramy: «Echo», «Radio Sacharov», «Nastojaŝieje vriemia», «Jevroradio», małdaŭski telekanał TV8, bierlinskaja telekampanija «Ost/Viest 24», a taksama abjadnanyja kanały z udziełam resursaŭ «Važnyje istorii», «Chołod», «Novaja hazieta Jevropa», Iryny Šychman i inšych.
Asobny novy kanał nazyvajecca «Biełaruś zavtra», jašče adzin kanał stvaraje studyja ŭkrainskaha žurnalista Dźmitryja Hardona. U najbližejšyja miesiacy da viaščańnia dałučacca i inšyja ŚMI i žurnalisty. Akramia hetaha, stvaralniki pracujuć nad asobnym navinavym kanałam. U vyniku spadarožnikavy pakiet płanujecca pašyryć da 25 niezaležnych ruskamoŭnych tele– i radyjokanałaŭ.
Pakiet «Svaboda» dastupny biaspłatna ŭ niezašyfravanym vyhladzie na spadarožniku Hotbird kampanii Eutelsat u pazicyi 13E. Hetaja spadarožnikavaja pazicyja papularnaja z pačatku 1990-ch hadoŭ, tak što stvaralniki raźličvajuć na dobraje pakryćcio na postsavieckaj prastory ŭ cełym. Kiraŭnik prajekta «Svaboda» Džym Filipaŭ śćviardžaje, što spadarožnik Hotbird 13G abstalavany najnoŭšymi technałohijami, jakija nie dazvolać rasijskamu abo inšamu aŭtarytarnamu ŭradu zahłušyć jaho sihnał:»Ja nie kažu, što heta niemahčyma, ale heta nie tak prosta, uličvajučy našy mahčymaści abarony ad pieraškod».
Mety prajekta — adnavić bieśpieraškodnuju i svabodnuju ad vajennaj prapahandy płyń infarmacyi pamiž Jeŭropaj i Rasijaj, a taksama padtrymać ukrainskuju, rasijskuju i biełaruskuju hramadzianskuju supolnaść.
Techničnyja paramietry dla pryjomu»Svabody»:
Spadarožnik: Hotbird 13G u kropcy 13.0 E
Transpondar: tp 122
Častata: 10949 MHc
Palaryzacyja: Viertykalnaja
Znakavaja chutkaść: 27500 Ksim / z FEC: 2/3
Madulacyja: DVB-S2/8PSK
Na ruinach «pryhožynskaj impieryi trolaŭ» u Rasii stvaryli «suśviet trolaŭ». Jak jon dziejničaje?
Kiraŭnik litoŭskaj redakcyi «Sputnika» raskajaŭsia i raskazaŭ pra kuchniu prapahandysckaj sietki, mietadyčki i svaje zarobki
«Viciebsk i Smalensk asacyjavalisia z małoj i vialikaj Rasijaj. Jość u hetym niadobraje». Rasijski błohier Štafanaŭ zhadaŭ svajo žyćcio ŭ Biełarusi
Ciapier čytajuć
«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami3
Kamientary