Adrazu šaściarych biełarusaŭ zavočna asudzili za ŭdzieł u mirnych schodach
Stała viadoma, što vyniesieny čarhovy prysud u miežach «śpiecvytvorčaści». 16 krasavika ŭ sudzie Partyzanskaha rajona Minska zavočna asudzili adrazu šaściarych čałaviek. Prysud ahučyŭ sudździa Michaił Makarevič, piša «Viasna».
Anatola Astroŭskaha, Viktara Puzana, Alaksandra Ciarluka, Irynu Stałoku, Hienadzia Hutara pryznali vinavatymi pavodle art. 342 Kryminalnaha kodeksu i asudzili da dvuch hadoŭ pazbaŭleńnia voli ŭ kałonii va ŭmovach ahulnaha režymu.
Vitala Pachomčyka asudzili pavodle art. 342 i art. 369 (abraza pradstaŭnika ŭłady) Kryminalnaha kodeksa i akrom dvuch hadoŭ pazbaŭleńnia voli, pryznačyli jamu štraf 300 bazavych vieličyń (12 tysiač rubloŭ).
Ich pryznali vinavatymi ŭ tym, što razam jany ŭdzielničali ŭ adnym ź mirnych schodaŭ u Minsku: byli na vulicach z nacyjanalnym ściaham, vychodzili na prajeznuju častku. Pachomčyk, akrom hetaha, pakinuŭ try publikacyi ŭ adnym z telehram-čataŭ, u jakim nibyta publična źniavažyŭ pradstaŭnikoŭ ułady. Pakolki ŭsie abvinavačanyja znachodziacca za miažoj, ich abvieścili ŭ vyšuk.
Viadoma, što ich udzieł u mirnym schodzie dakazali z dapamohaj fotazdymku, jaki znajšli ŭ instahramie Anatola Astroŭskaha, dzie niekatoryja z abvinavačanych trymajuć nacyjanalny ściah, niekatoryja — pakazvajuć rukami simvały «viktoryi» i ścisnutaha kułaka.
Śledčy kamitet raspačaŭ śpiecvytvorčaść u dačynieńni da hetych ludziej 23 lutaha. Akramia hetych šaści čałaviek u śpisie taksama byli Arastovič Ludmiła, Prudnikavy Volha i Jaŭhien. 12 krasavika vyniesieny prysud u dačynieńni da 35-hadovaha Jaŭhiena Prudnikava i 31-hadovaj Volhi Prudnikavaj — biełarusaŭ, jakich zavočna sudzili pavodle «narodnaha» art. 342 KK. Prysud ahučyła sudździa Volha Caryk. Ich pryznali vinavatymi i taksama asudzili zavočna da dvuch hadoŭ pazbaŭleńnia voli ŭ kałonii va ŭmovach ahulnaha režymu.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary