Cichanoŭskaja vystupiła pierad ministrami kultury krain Jeŭrasajuza i pieradała ŭ bielhijski muziej karcinu Alesia Puškina
Padčas vizitu ŭ Brusiel Śviatłana Cichanoŭskaja vystupiła pierad ministrami kultury krain Jeŭrasajuza. U pramovie lidarka padkreśliła važnaść zachavańnia biełaruskaj kultury i identyčnaści. Taksama Cichanoŭskaja zaklikała ministraŭ padtrymać prajekty, jakija ŭmacoŭvajuć biełaruskuju identyčnaść, i zaprašać biełaruskich mastakoŭ u vyhnańni na jeŭrapiejskija fiestyvali i kanfierencyi.
Pres-słužba Cichanoŭskaj pryvodzić klučavyja cytaty jaje vystupu:
- «Biełaruskaje zmahańnie za demakratyju — heta jašče i zmahańnie za našuju jeŭrapiejskuju identyčnaść».
- «Siońnia Rasija i jaje maryjanietkavy režym u Minsku robiać usio mahčymaje, kab ścierci našu nacyjanalnuju identyčnaść i źniščyć usio, što źviazvaje nas ź Jeŭropaj».
- «Va Ukrainie Rasija vajuje snaradami i tankami. U Biełarusi — prapahandaj i kulturaj».
- Rasija razhladaje našyja krainy jak častku «ruskaha śvietu». Jaje meta — kałanizavać i asimilavać. Jany spadziajucca, što my zdadzimsia, što my admovimsia ad zmahańnia za našuju jeŭrapiejskuju maru. Ale hetaha nikoli nie adbudziecca».
- «Kultura nie tolki abjadnoŭvaje biełarusaŭ, ale i natchniaje. Jana daje siły zmahacca dalej».
Naprykancy vystupu Cichanoŭskaja źviarnułasia da ministra-prezidenta Fłandryi Jana Jambona i razam z pradstaŭnicaj pa nacyjanalnym adradžeńni Abjadnanaha pierachodnaha kabinieta Alinaj Koŭšyk dy namieśnikam pradstaŭnika Kabinieta pa mižnarodnych adnosinach Uładzimiram Astapienkam pieradała karcinu Alesia Puškina «Biełaruskaje sonca» ŭ znak siabroŭstva i padziaki za padtrymku biełarusaŭ. Karcina budzie vystaŭlenaja ŭ adnym z muziejaŭ Bielhii.
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary