Vajna4646

Budanaŭ maluje zmročnuju karcinu situacyi na froncie

Kiraŭnik Hałoŭnaha ŭpraŭleńnia vyviedki Ministerstva abarony Ukrainy Kiryła Budanaŭ daŭ intervju The New York Times z bunkiera ŭ Charkavie.

Kiryła Budanaŭ. Fota: «Ukrainskaja praŭda»

Jon zajaviŭ, što rasijskija vojski mohuć u najbližejšyja dni pačać novy nastup u Sumskaj vobłaści. Stanovišča ŭkrainskaj armii pad Charkavam jon nazvaŭ vielmi ciažkim z-za niedachopu ludziej.

«Sutyknuŭšysia z prasoŭvańniem Rasii, vysokapastaŭleny ŭkrainski hienierał maluje zmročnuju karcinu», — napisała vydańnie The New York Times. 

Jak i bolšaść ukrainskich čynoŭnikaŭ i vajskovych ekśpiertaŭ, hienierał Budanaŭ ličyć, što meta hetych rasijskich atak — raściahnuć i biez taho biednyja reziervy ŭkrainskich sałdat i adciahnuć ich ad bajavych dziejańniaŭ u inšych miescach.

Znajści novyja siły USU vielmi ciažka. «Usie našy vojski ciapier abo tut, abo ŭ Časavym Jary», — adznačyŭ Budanaŭ. Časavy Jar — stratehična važny horad u Danieckaj vobłaści, niepadalok ad Aŭdziejeŭki, u kirunku jakoha ciaham apošnich miesiacaŭ sprabujuć prasoŭvacca rasijskija vojski.

Budanaŭ miarkuje, što ciaham nastupnych niekalkich dzion ukrainskim siłam udasca stabilizavać front pad Charkavam. Nastup rasijskaha vojska, mierkavana, budzie praciahvacca jašče kala troch-čatyroch dzion.

Adnak paśla hetaha rasijskija vajskoŭcy mohuć pačać novy nastup — užo ŭ Sumskaj vobłaści.

Budanaŭ dadaŭ taksama, što rasiejcy chočuć pasiejać paniku i błytaninu ŭ rehijonie. «Na dadzieny momant naša zadača składajecca ŭ tym, kab stabilizavać liniju sudakranańnia, a zatym pačać adciskać ich nazad praź miažu», — skazaŭ Budanaŭ.

Pavodle jaho acenak, ukrainskija reziervy ŭžo dapamahli častkova parušyć płany rasijskaj armii.

Vajskovyja ekśpierty i ŭkrainskija aficyjnyja asoby kažuć, što rasijskija vojski da hetaha času ŭ asnoŭnym prasoŭvalisia pa słaba abaronienaj i ŭ značnaj stupieni abiaźludnienaj terytoryi, što tłumačyć adnosna chutki prahres. Jany adznačajuć, što miaža na paŭnočnym uschodzie Ukrainy padviarhałasia rehularnym rasijskim abstrełam na praciahu ŭsioj vajny, što ŭskładniała stvareńnie ŭmacavanych pazicyj i vymusiła mnohich cyvilnych biehčy.

Kamientary46

  • Pietia
    14.05.2024
    Prodvihajet rośsijskije narrativy?
  • rom
    14.05.2024
    znaju (tak kak sam vidieł) ....užie v Polšie ukraincy chorošo bierut rośsijskije pasporta v hienkonsulstvie RF!!    mołodcy)))
  • 30-ja dyvizija
    14.05.2024
    Jak ža tak?! Abiacaŭ ža šašłyki ŭ Krymie... Kali nie chapaje žaŭnieraŭ dyk moža treba pravieści mabilizacyju, a nie try miesiacy musolić zakonaprekt ab mabilizacyi, zrabić 2000 pravak i pryniać kastryravany zakon, jaki ničoha nie źmianiŭ? Zaraz hałoŭnaja prablema Ukrainy -- heta jaje nieadekvatnaja ŭłada...
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Što stała pryčynaj śmierci troch rabotnikaŭ «Biełarusnafty» padčas ramontu na trasie

Što stała pryčynaj śmierci troch rabotnikaŭ «Biełarusnafty» padčas ramontu na trasie

Usie naviny →
Usie naviny

U Hiermanii syšoŭ z rejek pasažyrski ciahnik. Jość zahinułyja1

Praz Soniečnuju sistemu lacić abjekt, pavodziny jakoha nahadvajuć kiravany kaśmičny karabiel18

Rasijski dron atakavaŭ rejsavy aŭtobus u Sumskaj vobłaści. Jość achviary3

U Biełarusi sioleta niama čarnic. Kali letaś narychtoŭščyki pryniali dziasiatki ton jahad, to sioleta — ničoha4

Fłarencyju nazvali najlepšym horadam Jeŭropy dla turyzmu2

Najbujniejšaja sietka fastfudu ŭ śviecie, pra jakuju amal nie viedajuć na Zachadzie1

Były palitviazień Siarhiej Šeleh paraŭnaŭ Vaładarku z haścinicaj u Efiopii. Kaža, heta dapamahło ŭspryniać realnaść1

Stała viadoma imia jašče adnaho ahienta KDB, jaki moža być datyčnym da źniknieńnia Mielnikavaj18

Pad Ivanavam pierakuliłasia maršrutka: siem čałaviek u balnicy

bolš čytanych navin
bolš łajkanych navin

Što stała pryčynaj śmierci troch rabotnikaŭ «Biełarusnafty» padčas ramontu na trasie

Što stała pryčynaj śmierci troch rabotnikaŭ «Biełarusnafty» padčas ramontu na trasie

Hałoŭnaje
Usie naviny →

Zaŭvaha:

 

 

 

 

Zakryć Paviedamić