Rasijskaja armija pačała šturm Vaŭčanska — horada na miažy ŭ Charkaŭskaj vobłaści
Rasijskija šturmavyja atrady zaniali dziasiatak prymiežnych viosak.
Armija RF maje taktyčny pośpiech u bajach za Vaŭčansk u Charkaŭskaj vobłaści, paviedamlaje ŭ svajoj zvodcy Hienštab ukrainskaj armii.
Jak paviedamlajecca ŭ zvodcy Hienštaba, rasiejcy pryciahnuli dla nastupu na Vaŭčansk «značnyja siły» — da piaci bataljonaŭ.
U cełym situacyju na Charkaŭskim kirunku Hienštab USU nazvaŭ «składanaj i dynamična źmienlivaj».
Pavodle źviestak ukrainskaha OSINT-prajekta Deep State, rasiejskija vajskoŭcy zamacoŭvajucca ŭ vakolicach Vaŭčanska dla dalejšaha zachodu ŭ horad.
Jak zajaviŭ kiraŭnik Charkaŭskaj abłasnoj administracyi Aleh Siniahubaŭ, za niekalki dzion z Vaŭčanskaj hramady i nasielenych punktaŭ Charkaŭskaha rajona byli evakujavanyja amal šeść tysiač čałaviek.
Rasijskija vajenkary zajaŭlajuć, što «idzie šturm Vaŭčanska».
«Situacyja ŭ Vaŭčansku va Ukrainie, pahoršała, ludziej amal nie zastałosia, amal usie budynki źniščanyja», — zajavili ŭ Nacpalicyi Ukrainy.
Vaŭčansk znachodzicca za 5 km ad miažy z Rasijaj i za 77 km ad abłasnoha centra Charkava. U 2022 hodzie rasijanie akupavali horad u pieršy ž dzień vajny. Ukrainskaja armija vyzvaliła nasieleny punkt 13 vieraśnia taho ž hoda. Da vajny ŭ horadzie žyło 18 tysiač čałaviek, paśla akupacyi ŭ im zastałosia ŭsiaho 3 tysiačy žycharoŭ.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary