Adpaviednaj statystykaj padzialiŭsia namieśnik načalnika ŭpraŭleńnia pa achovie pravaparadku i prafiłaktyki minskaj milicyi Dźmitryj Mialeška. Z nadychodam ciapła ŭ kvaterach, pavodle jaho, stanovicca horača, i vypadkaŭ, kali dzieci vypadajuć z voknaŭ, robicca bolš.
«U Minsku sioleta adbyłosia čatyry takija vypadki. Kožnaje padzieńnie my razhladajem jak nadzvyčajnaje zdareńnie i ŭ kožnym vypadku pravodzim detalovaje raźbiralnictva z usimi zacikaŭlenymi subjektami prafiłaktyki», — cytuje Mialešku BiełTA.
Jon padkreśliŭ, što nielha pakidać małaletnich dziaciej biez nahladu.
«Padzieńnie adbyvajecca čaściakom praz pavyšanuju cikavaść dziaciej da taho, što adbyvajecca na vulicy. Źviešvajučysia z akonnaha prajomu abo abapirajučysia na maskitnyja sietki, dzieci, nie adčuvajučy niebiaśpieki, hublajuć raŭnavahu i padajuć. Heta zakančvajecca traŭmami abo śmiarotnym vynikam», — adznačyŭ Mialeška.
Kab paźbiehnuć trahiedyj, nie lišnim budzie pastavić na vokny na vokny pryłady, jakija ich zamykajuć, i pravietryvać tolki ŭ prysutnaści darosłaha.
Kamientary