Vydaleńnie zuba — 10 chvilin i 5 mł antysieptyku. Minzdaroŭja skarektavała normy pa časie i materyjałach u stamatałohii
Ułady praciahvajuć upłyvać na ceny na płatnyja pasłuhi ŭ stamatałohii.
Z 1 lipienia źmieniacca normy pa časie i materyjałach. Hetyja zachady pavinny zrabić pasłuhi zubnych lekaraŭ tańniejšymi za siońniašnija rascenki. Na adpaviednaja pastanovu Ministerstva achovy zdaroŭja źviarnuła ŭvahu Radyjo Svaboda.
Pastanova aptymizavała 169 pasłuh u stamatałohii i aktualizavała normy raschodu materyjałaŭ pa 37 pazicyjach. Kali raniej na ahlad pacyjenta pry pieršasnym zvarocie advodziłasia 20 chvilin, to zaraz budzie tolki 15. Čas ahladu pry paŭtornym zvarocie nie źmianiŭsia: na heta pa-raniejšamu zakładvajuć 10 chvilin.
Normu kansultacyi stamatołaha z vučonym zvańniem skaracili ŭdvaja: z 40 chvilin da 20.
Dakumient dakładna prapisvaje, kolki materyjałaŭ pa normie naležyć vykarystoŭvać i zhodna ź jakim lekarskim rašeńniem. Naprykład, pry nakładańni časovaj płomby miarkujecca, što miedykam spatrebicca dva hramy vaty abo dva celułoznyja valiki i 0,3 hrama płambavalnaha materyjału.
Miarkujecca, što na vydaleńnie adnakarenievaha zuba abcuhami stamatołah-chirurh i miedsiastra traciać 10 chvilin i 5 mł antysieptyku.
Letaś urad pryniaŭ pastanovu, jakaja tyčyłasia artapiedyčnych, zubatechničnych, terapieŭtyčnych, chirurhičnych i artadantyčnych pasłuh u krainie. Płanavałasia, što vydaleńnie małočnaha zuba ŭ siarednim patańnieje na 33%, a lačeńnie siaredniaha karyjesu — na 47%.
Ciapier čytajuć
Što robiać ź biełarusami, jakich aryštavali, ale nie paśpiavajuć asudzić za pratesty. Jość dva šlachi3
Kamientary