72-hadovaha palitviaźnia Vasila Dziemidoviča abvinavačvajuć pavodle art. 369 KK (abraza pradstaŭnika ŭłady) i art. 391 KK (abraza sudździ). Spravu budzie razhladać 20 traŭnia ŭ Krupskim rajonnym sudzie sudździa Aleh Łahačoŭ, piša «Viasna».
Heta ŭžo vośmy sud nad piensijanieram. Na raniejšych jaho ahułam asudzili na 7 hadoŭ pazbaŭleńnia voli, pry hetym vynik apošnich troch sudoŭ pakul nieviadomy. U źniavoleńni Vasila Ivanaviča ŭtrymlivajuć amal dva hady, z 16 červienia 2022 hoda.
U suviazi z tym, što palitźniavolenaha ŭnieśli ŭ «śpis terarystaŭ», jamu nielha rabić hrašovyja pieravody. Pry hetym za apošni hod piensijanier pieražyŭ dziasiatki etapaŭ. Etapujuć palitviaźniaŭ u ciažkich umovach — tamu heta pakidaje vielmi kiepski adbitak na zdaroŭi mužčyny.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary