Hramadstva11

Razam z ksiandzom Akałatovičam z Vałožyna zatrymali dvuch prychadžanaŭ. Adzin ź ich były vajskoviec

Ksiondz Hienrych Akałatovič, zatrymany 16 listapada 2023 hoda, piša, što ni ŭ čym nie vinavaty.

Ksiondz Hienrych Akałatovič. Fota: katolik.life

Prajšło paŭhoda z taho času, jak byŭ zatrymany, a zatym uziaty pad vartu probašč katalickaj parafii Śviatoha Jazepa ŭ Vałožynie ksiondz Hienrych Akałatovič. Suprać jaho raspačali kryminalnuju spravu i trymajuć u SIZA KDB u Minsku, nahadvaje katolik.life.

Z tych časoŭ pra śviatara, jakomu spoŭniłasia ŭžo 64 hady, praktyčna ničoha nie viadoma: aficyjnyja orhany tak i nie paviedamili ni abstaviny spravy, ni toje, u čym abvinavačvajuć śviatara. Bolš za toje, navat nieaficyjnaj infarmacyjaj nie vałodajuć ni duchavienstva, ni vierniki archidyjacezii.

Adnak Katolik.life pahutaryŭ ź niekalkimi ludźmi, kab daviedacca choć jakija-niebudź źviestki pra śviatara. Śledstva jašče praciahvajecca. Artykuł, pa jakim abvinavačvajuć śviatara, nie nazyvajecca, ale miarkujecca, što heta «zdrada dziaržavie».

Aryštavany nie tolki probašč, ale i dvoje viernikaŭ. Heta haspadynia, jakaja hatavała ježu dla śviatara, a taksama piensijanier — były kamandzir miascovaj vajskovaj častki, jaki ŭ apošnija hady pracavaŭ u sielhaspradpryjemstvie, byŭ deputatam, dapamahaŭ prychodu. Voinskaja čaść i kaścioł znachodziacca pobač.

«Na žančynu, jak my čuli, cisnuć, kab jana dała pakazańni. Bo dokazaŭ viny ksiandza Hienrycha niama. Heta pavažany, zasłužany śviatar. Niezdarma mienavita jaho aryštavali. Praz hetuju spravu cisnuć na ŭvieś Kaścioł», — vykazali mierkavańnie vierniki.

Apošnija dva miesiacy listoŭ ad ksiandza Hienrycha Akałatoviča nie było, a raniej jon pisaŭ, što nie pryznaje abvinavačvańnie:

«Paśla cenzury dachodzili tolki abryŭki listoŭ. Jon pisaŭ, što ni ŭ čym nie vinavaty, što heta niejkaje nieparazumieńnie i zaŭsiody prasiŭ ab malitvie, bo maje nadzieju tolki na Boha».

Niahledziačy na adsutnaść listoŭ viadoma, što ksiondz Hienrych i ciapier trymajecca ŭ dobrym duchu, nie skardzicca:

«Jon nie pryvyk skardzicca. Ale možna ŭjavić, jak jamu ciažka pa zdaroŭi pieranosić źniavoleńnie — u jaho praktyčna vyrazany straŭnik, było niekalki apieracyj».

Viernikam pieradavali, što pra spravu viedajuć u Vatykanie i zajmajucca im, «choć praces idzie pavolna».

Kamientary1

  • Bajdren
    22.05.2024
    Heta ŭ łukašvstaŭ takija duchoŭnyja skrepy
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj36

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj

Usie naviny →
Usie naviny

Na paradzie ŭ Minsku pakazali zienitny kompleks na šasi MAZ, jaki vykarystoŭvaje Rasija va Ukrainie3

U Jehipcie pierakuliŭsia aŭtobus z turystami ź Biełarusi, Rasii i Kazachstana

U Minsku prajšoŭ vajskovy parad u honar 80-hodździa pieramohi nad Hiermanijaj10

U Pakistanie dumajuć, što dla ich u Biełarusi buduć 198 tysiač vakansij1

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad9

Hirkin nazvaŭ mahčymyja kirunki nastupnych ukrainskich udaraŭ6

U Minsku ŭžo źjaviłasia novaja siniaja raźmietka1

Na parad u Hrodnie vyvieli kazu. Ź joj akazałasia składaniej, čym ź ludźmi VIDEA10

Što viadoma pra biełarusa Andreja Sakałoŭskaha-Stankieviča, jakoha aryštavali ŭ Rasii i abvinavačvajuć u padrychtoŭcy dyviersii2

bolš čytanych navin
bolš łajkanych navin

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj36

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić