Na pres-kanfierencyi, što adbyłasia ŭ aŭtorak, 26-ha studzienia, kiraŭnik Kanstytucyjnaha suda Respubliki Biełaruś Piotr Mikłaševič padvioŭ vyniki pracy za 2009 h.
U pravytnaści, było adznačana, što ŭ 2009 h. u Kanstytucyjny sud pastupiła 1274 zvaroty, ź jakich 1217 – ad pryvatnych asob. Niehledziačy na takuju vialikuju kolkaść zvarotaŭ, tolki 10 spraŭ byli adpraŭlenyja na pierahlad.
U razmovie z žurnalistami P.Mikłaševič zakranuŭ temu adpaviednaści Kanstytucyi krainy Mytnaha sajuza z Rasijaj i Kazachstanam, alternatyŭnaj słužby, pastanoŭ ab mahčymaści pravodzić apieratyŭnyja mierapryjemstvy biez sankcyi prakurora i inšyja pytańni. Adnosna Mytnaha sajuza spadar Mikłaševič zaŭvažyŭ, što sutnaść padpisanych dakumientaŭ u KS nie praviarałasia, tak jak heta patrabuje zvarotu ŭ sud kiraŭnika dziaržavy, albo adpaviednych orhanaŭ. U spravie kanstytucyjnaści pastanovy ab apieratyŭnych dziejańniach biez dazvołu prakurora P.Mikłaševič adznačyŭ, što KS vystupaje za sankcyjanavańnie padobnaj dziejnaści pravaachoŭčych orhanaŭ sudovymi pastanovami, jak heta pryniata ŭ bolšaści jeŭrapiejskich krain. Nievykanańnie kanstytucyjnaha prava na alternatyŭnuju hramadzianskuju słužbu spadar Mikłaševič nazvaŭ prykrym prykładam, jaki śviedčyć ab patrebie dalejšaha ŭdaskanaleńnia pracy KS.
Nieledziačy na heta, Piotr Mikłaševič adznačyŭ stanoŭčyja zruchi ŭ vykanańni rašeńniaŭ Kanstytucyjnaha suda i ŭzrastańni aŭtarytetu hetaj ustanovy.
«Rašeńni KS zabiaśpiečvajucca vysokim aŭtarytetam. Ich vykananie śviedčyć ab uzrastańni kanstytucyjnaha myśleńnia ŭ čynoŭnikaŭ i deputataŭ. Siońnia niama padstaŭ havaryć, što KS u Biełarusi nie dziejničaje» – adznačyŭ jaho kiraŭnik.
Kamientary