Sańnikaŭ: Vik pravodziŭ u Biełarusi intaresy Hiermanii i Rasii, ale nijak nie Biełarusi
Biełaruski palityk vykazaŭsia na śmierć eks-kiraŭnika misii ABSIE ŭ Minsku, abvinavaciŭšy jaho ŭ spryjańni režymu Łukašenki.
Lidar hramadzianskaj kampanii «Jeŭrapiejskaja Biełaruś» Andrej Sańnikaŭ u svaim fejsbuku krajnie niehatyŭna acaniŭ dziejnaść u Biełarusi pamierłaha niamieckaha dypłamata Chansa-Hieorha Vika.
«Pajšła značnaja fihura biełaruskaj palityčnaj sceny. Mienavita biełaruskaj, tamu što najvažniejšy pieryjad pry kancy lotu jaho mižnarodnaj karjery byŭ źviazany ź Biełaruśsiu.
Mnohija stanoŭča aceńvajuć jaho pracu ŭ Biełarusi ŭ jakaści kiraŭnika kansultatyŭna-naziralnaj misii ABSIE ŭ 1998-2001 hh. Maŭlaŭ, staraŭsia, ale ničoha nie zmoh zrabić suprać źvierskaha režymu.
U mianie inšaje mierkavańnie.
Chans-Hieorh Vik byŭ aktyŭnym budaŭnikom hetaha režymu. Mienavita jon zakłaŭ asnovy mižnarodnaha pryznańnia Łukašenku, niahledziačy na vidavočnyja złačynstvy režymu.
Jon aktyŭna razburaŭ lubyja sproby abjadnańnia i ŭzhodnienych dziejańniaŭ apazicyi. Jon pravodziŭ u Biełarusi intaresy Hiermanii i Rasii, ale nijak nie Biełarusi. Jon umieła sadziejničaŭ utojvańniu palityčnych zabojstvaŭ 1999-2000 hh.
Paśla Vik dastatkova pryncypova krytykavaŭ režym Łukašenki i jaho dziejnaść, ale ŭžo nie majučy mahčymaści na štości ŭpłyvać.
Tak sotni byłych dypłamataŭ i palitykaŭ raptam bačać paśla zaviaršeńnia svajoj karjery, padčas jakoj jany rabili ŭsio, kab Łukašenku było dobra, a Biełarusi drenna.
Heta nie skončyłasia i dahetul», — napisaŭ biełaruski palityk.
Ciapier čytajuć
Kamientary
U hetym i była meta Hiermanii - skaracić palityčnaje ŭraŭnieńnie na adnu pieramiennuju (Biełaruś), kab mieć stabilnyja stasunki z Rasijaj i kab (sapraŭdnaja) biełaruskaja apazicyja, 'nacyjanalisty' nie błytalisia pad nahami.