«My bolš, čym susiedzi». Cichanoŭskaja pavinšavała Naŭsiedu ź pieramohaj na vybarach
Jon byŭ abrany na druhi termin pa vynikach druhoha tura vybaraŭ, jaki prajšoŭ u niadzielu 26 maja.
«Maje sardečnyja vinšavańni Hitanasu Naŭsiedu ź pieravybrańniem prezidentam Litvy. Vaša niepachisnaja padtrymka našaj baraćby nieacennaja. My bolš, čym susiedzi; my siabry i sajuźniki.
Dziakujučy vašaj niaźmiennaj salidarnaści ja ŭpeŭnienaja, što Biełaruś dabjecca svabody!» — napisała jana ŭ Ch.
Pa danych hałoŭnaj vybarčaj kamisii, paśla padliku biuleteniaŭ na ŭsich 1 895 vybarčych učastkach Hitanas Naŭsieda nabraŭ 74,43% hałasoŭ vybarščykaŭ. Premjer-ministr Inhryda Šymanicie atrymała padtrymku 24,06% vybarščykaŭ. Kab addać svoj hołas na vybarach kiraŭnika krainy, da skryniaŭ dla hałasavańnia pryjšli 49,61% hramadzian.
U 2019 hodzie taksama ŭ druhim tury syšlisia Naŭsieda i Šymanicie, jakija nabrali 65,86% i 31,15% hałasoŭ.
Kamientary