Habryelus Łandśbierhis: Ukraina maje prava bić pa rasijskich vajennych celach za miežami Rasii
U Prazie siońnia prachodzić sustreča ministraŭ zamiežnych spravaŭ NATO.
Ministr zamiežnych spraŭ Litvy Habryelus Łandśbierhis pierad pačatkam samita kiraŭnikoŭ MZS krain NATO ŭ Prazie adkazaŭ na pytańnie Radyjo Svaboda, ci musić Ukraina paražać i celi ŭ Biełarusi.
«Ja maju na ŭvazie toje, što Ukraina pavinna mieć zdolnaść abaraniacca. Kali Rasija, bajučysia, što celi mohuć być pad udaram u Rasii, moža pieranieści ich kudyści jašče, to ja dumaju, što vybar celaŭ musić być pieraniesieny taksama»,— adkazaŭ kiraŭnik MZS Litvy Habryjelus Łandśbierhis.
U Prazie siońnia prachodzić sustreča ministraŭ zamiežnych spravaŭ NATO.
31 maja aficyjny pradstaŭnik uradu Niamieččyny Štefan Hebeštrajt zajaviŭ, što Ukraina moža vykarystoŭvać pieradadzienuju joj zbroju pa rasijskich abjektach. Niamiecki ŭrad uchvaliŭ adpaviednaje rašeńnie.
Učora stała viadoma, što Džo Bajden taksama niehałosna dazvoliŭ Ukrainie vykarystoŭvać amierykanskuju zbroju dla ŭdaraŭ pa vajskovych abjektach na terytoryi Rasii, ale tolki na miažy z Charkaŭskaj vobłaściu, dzie rasiejskija vojski viaduć nastup.
Danija, Finlandyja i Kanada dazvolili Ŭkrainie ŭžyvać pastaŭlenuju imi zbroju dla ŭdaraŭ pa celach na terytoryi Rasii. Raniej padobnyja zajavy zrabili Polšča, Vialikabrytanija i Šviecyja; za pasłableńnie abmiežavańniaŭ na vykarystańnie zachodniaj zbroi vystupajuć Francyja, Niderłandy, Čechija, Litva, Łatvija i Estonija.
Ciapier čytajuć
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada3
Kamientary