Jon pahavaryŭ ź nieviadomym, jaki vydaŭ siabie za Piatra Parašenku.
Ministr zamiežnych spraŭ Vialikabrytanii Devid Kemieran staŭ achviaraj prankieraŭ, paviedamiła samo MZS.
Razmova z čałaviekam, jaki pradstaviŭsia Parašenkam, adbyłasia pa videasuviazi «u apošnija dni». Praciahvałasia jana niadoŭha, a pra sam zvanok prankiery damaŭlalisia praz tekstavyja paviedamleńni.
Na videa byŭ čałaviek, padobny da Parašenki, adnak nieŭzabavie Kemieran zapadozryŭ, što jon maje spravu z ašukancami. Ministr pierastaŭ adkazvać, kali toj, chto telefanavaŭ, paprasiŭ jaho dać kantaktnyja źviestki inšych ludziej.
MZS nie ŭdakładniaje, pra što jašče była razmova.
«Ministr zamiežnych spraŭ škaduje ab svajoj pamyłcy, ale ličyć, što ab padobnych pavodzinach nieabchodna kazać hołasna i što my pavinny ŭzmacnić baraćbu z dezinfarmacyjaj», — skazana ŭ zajavie MZS.
Rasijskija telefonnyja prankiery Alaksiej Stalaroŭ i Uładzimir Kuźniacoŭ, viadomyja jak Leksus i Vovan, nie raz razvodzili čynoŭnikaŭ, vydajučy siabie za roznych palitykaŭ. Z brytancaŭ jany telefanavali Barysu Džonsanu, Benu Uollesu.
Ci ciapierašni zvanok — sprava ich ruk, nie paviedamlajecca.
Pad vyhladam Parašenki hetyja prankiery ŭ 2023 hodzie zvanili taksama Śviatłanie Cichanoŭskaj. A ŭ 2014-m razyhrali Alaksandra Łukašenku. Jamu pazvanili pad vyhladam syna byłoha prezidenta Ukrainy Viktara Janukoviča i pytalisia pra mahčymaść palityčnaha prytułku.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii19
Kamientary
Tady pryniali cenzurny zakon, naahuł ŭ VB bolej aryštoŭvajuć kamentataraŭ jak ŭ jakoj Rasiei.
Ale mabyć padajecca im mała, i Kamerun prydumaŭ novuju nahodu zacisnuć infarmacyjnuju prastoru