Dziciačy łahier na Lidčynie zakryli z-za nadpisaŭ pa-anhlijsku i ściažka Hiermanii
Prakuratura adpraviłasia ŭ rejd pa niezarehistravanych dziciačych łahierach. Historyju pra adnu z takich ustanoŭ u Lidskim rajonie raskazali ŭ efiry «RTR-Biełaruś».
Pa słovach aŭtaraŭ siužetu, u łahiery žyli 55 dziaciej uzrostu ad vaśmi hadoŭ. Pry hetym śćviardžajecca, što pra «stychijny łahier» nichto nie viedaŭ.
Prakuratura znajšła ŭ łahiery šmatlikija parušeńni. Naprykład, dzieci spali na padłozie, a ŭ chaładzilniku pobač ź ježaj zachoŭvali žyvuju prykormku dla ryby. U dziaciej byŭ svabodny dostup da raki, kruty spusk u Nioman nie byŭ abharodžany.
Darosłych u łahiery było ŭsiaho niekalki čałaviek, niekatorym vałancioram, pa słovach prakurora rajona Andreja Kliševiča, nie było 18 hadoŭ.
Ale asabliva aburyli prapahandystaŭ nadpisy na anhlijskaj i niamieckaj movach u pakojach, a taksama ściažok Hiermanii.
«Voś taki nadpis i dziaržsimvały jeŭrapiejskich krain znajšli ŭ niekalkich pakojach. Praŭda, naviazać svaje idei arhanizatary nie paśpieli: psieŭdałahier zakryli praź dzień», — havorycca ŭ siužecie.
U Lidskim rajonie stvaryli mižviedamasnuju apieratyŭnuju hrupu, jakaja vyjazdžaje na luby sihnał ab nielehalnym dziciačym adpačynku.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
Hoblen luto poddierživajet! :) Šta? Vražieskij fłah? Jazyk akkupantov? Niet im miesta v našiem hosudarstvie! Nach, iš čieho zachotieli! K dietiam ŝupalca tianut, o, eta otvratitielnaja mirovaja zakulisa anhłosaksov i pročich niesoznatielno chriukajuŝich podśvinkov... (hłumlivo ržot) Vy stoitie druh druha))) v 2020 zascalli? Tiepieŕ žritie, nie oblapajtieś! :)