«Biełaruśfilm» źniaŭ multfilm pra vajnu — zapaŭniać zały dziećmi buduć administracyjnymi mietadami
Čynoŭnikam daručyli zabiaśpiečyć jaŭku na novuju stužku Nacyjanalnaj kinastudyi.
U prakat vychodzić novy multfilm «Miemaryjalnyja kompleksy Biełarusi» vytvorčaści «Biełaruśfilma». Minkult daručyŭ staličnym i rehijanalnym čynoŭnikam zabiaśpiečyć zapaŭnieńnie kinazałaŭ.
Premjera multfilma zapłanavanaja na kaniec červienia, tady ž stužku buduć pakazvać u dziciačych łahierach pa ŭsioj krainie. U rasparadžeńni, jakoje apublikavaŭ «Fłahštok», skazana, što «ŭ metach maksimalna šyrokaha ŭklučeńnia dziciačaj i padletkavaj aŭdytoryi hledačoŭ «čynoŭnikam na miescach treba akazać sadziejničańnie kinaprakatnym arhanizacyjam u vybary azdaraŭlenčych letnikaŭ i praviadzieńni premjernych pakazaŭ».
Kali kanikuły skončacca, multfilm buduć pakazvać u škołach. Akramia taho, dziaciej buduć vadzić na stužku i ŭ kinateatry. Pryčym, miarkujučy pa ŭsim, biaspłatna. Ad čynoŭnikaŭ patrabujecca dapamoha» ŭ pryciahnieńni metavaj aŭdytoryi hledačoŭ pry pakazie dadzienaha filma ŭ kinateatrach».
Multfilm pryśviečany 80-j hadavinie vyzvaleńnia Biełarusi. Animacyja raspaviadaje pra «histaryčnyja padziei, u pamiać pra jakija stvorany miemaryjalnyja kompleksy». Siarod ich «Bujnickaje pole», «Praryŭ, «Oła», «Čyrvony Bierah» i inšyja.
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii20
Kamientary