Čynoŭniki ŭzialisia za pryvatnyja dziciačyja łahiery — abiacajuć žorstkija rejdy
Buduć praviarać zachavańnie pravił biaśpieki.

Čynoŭniki źbirajucca pravieści žorstki manitorynh pryvatnych dziciačych łahieraŭ. Pra heta zajaviŭ dyrektar Respublikanskaha centra pa azdaraŭleńni i sanatorna-kurortnym lačeńni nasielnictva Hienadź Bałbatoŭski.
Pavodle jaho słoŭ, centr zapłanavaŭ pravieści rejdy z metaj žorstkaha manitorynhu, piša Telegraf.
«Što tyčycca pryvatnych łahieraŭ, jakija pracujuć pa svajoj inicyjatyvie, u hetym hodzie budzie pravodzicca bolš žorstki manitorynh pa vyjaŭleńni miescaŭ niezakonnaha znachodžańnia dziaciej, tamu što čaściakom tam nie harantavanaja biaśpieka znachodžańnia, naležny ŭzrovień akazańnia pasłuh pa charčavańni, pražyvańni», — adznačyŭ Bałbatoŭski.
U 2023 hodzie z-za parušeńniaŭ, udzielnaja vaha jakich skłała amal 90%, čynoŭniki zakryvali łahiery, kab harantavać biaśpieku dziaciej.
«My nie suprać alternatyvy, ale pavinna być uzhodniena, chto maje prava na akazańnie hetych pasłuh, ź miascovaj vykanaŭčaj uładaj. Tamu my nie źbirajemsia nikomu zabaraniać ničoha, ale ŭsio pavinna być uzakoniena», — zapeŭniŭ Bałbatoŭski.
Jon adznačyŭ, što ŭžo raspracoŭvajecca zakanadaŭstva, jakoje rehłamientuje pryvatnyja łahiery.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Kamientary