Biełarusy zmohuć paćviardžać u Polščy svaje atestaty ab adukacyi
Prezident Polščy Andžej Duda padpisaŭ papraŭki ŭ zakanadaŭčyja akty ab dapamozie hramadzianam Ukrainy. Ale tyčacca jany nie tolki ŭkraincaŭ, bo aprača inšaha spraščajuć pryznańnie biełaruskich dakumientaŭ ab adukacyi, vynikaje z pres-relizu na sajcie prezidenta Polščy.
Adznačajecca, što atestat ab adukacyi, atrymany ŭ krainie, što denansavała mižnarodnaje pahadnieńnie ab uzajemnym pryznańni atestataŭ i inšych vydadzienych za miažoj dakumientaŭ, moža być paćvierdžany ŭ Polščy.
Na stadyi pryniaćcia novaha zakonaprajekta Siejmam namieśnik ministra adukacyi Polščy Iaana Mucha adznačała, što papraŭka zakranie prykładna 5 tys. biełaruskich hramadzian, piša «Pozirk».
Uzhadanaje ŭ polskim zakonie pahadnieńnie było padpisanaje 28 krasavika 2005 hoda ŭ Varšavie. Dakumient vyznačaŭ, što biełaruski atestat ab siaredniaj adukacyi i dypłomy ab prafiesijnaj i siaredniaj śpiecyjalnaj adukacyi, a taksama polski atestat stałaści «źjaŭlajucca asnovaj dla pastupleńnia ŭ vyšejšyja navučalnyja ŭstanovy» abiedźviuch krain.
25 kastryčnika 2022 hoda ŭrad Biełarusi skasavaŭ pahadnieńnie ab uzajemnym pryznańni dakumientaŭ ab adukacyi z Polščaj.
Pieršaja biełaruskaja anłajn-škoła va Ukrainie pačała nabor na novy navučalny hod
Niekatoryja 11-kłaśniki, jakija płanujuć pastupać za miažu, nie mohuć atrymać u Minadukacyi patrebnuju daviedku
U Polščy vyjavili «studenckuju» častku vizavaha skandału. Nastupstvy mohuć zakranuć i biełarusaŭ
U Minadukacyi pierastali vydavać daviedki ab lehalnaści atestataŭ
Ciapier čytajuć
Zahinuŭ biełaruski dobraachvotnik Alaksiej Łazaraŭ7
Kamientary