Kurjer na rovary pierasiok praśpiekt Niezaležnaści razam z mašynami VIDEA
Vypadak zdaryŭsia kala Dana Mall uviečary 2 červienia, piša Onliner.by.
Viełasipiedyst spyniŭsia krychu laviej za krajniuju pravuju pałasu i čakaŭ zialonaha razam ź inšymi aŭtamabilami. «Heta kurjer «Jandeks», — zaŭvažyŭ aŭtar zapisu.
Inšaja anałahičnaja situacyja adbyłasia 5 červienia. «Spačatku samakat prajechaŭ praz praśpiekt, — padzialiŭsia aŭtar videa. — Zatym jon paviarnuŭ u kišeniu, jakaja idzie ŭzdoŭž [praśpiekta] Niezaležnaści. Tam jon praciahnuŭ ruchacca pa prajeznaj častcy».
Nasamreč mužčyna pieraadoleŭ prajeznuju častku dvojčy. Abodva razy jon, zdajecca, čakaŭ, pakul dla aŭtamabilaŭ z sumiežnaha napramku nie zaharycca čyrvony sihnał. Usio dziela taho, kab trapić u «kišeniu», jakaja idzie paralelna praśpiektu.
U mai viełasipiedyst naohuł prymusiŭ čakać ledź nie ŭvieś praśpiekt Niezaležnaści.
«Z vulicy Jakuba Kołasa Na Niezaležnaści ŭ tym miescy dazvolena jechać tolki naprava, — tłumačyŭ aŭtar zapisu. — Ale viełasipiedyst prajechaŭ usiu prajeznuju častku papiarok. Hetym jon prymusiŭ pa čarzie tarmazić aŭtamabili va ŭsich šerahach. Vypadak unikalny, adbyŭsia ŭčora kala 12 hadzin».
Mužčynu nie źbiantežyła toje, što mašyny jechali pa praśpiekcie na zialony sihnał śviatłafora.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary