Ułady ŭsio ž uzialisia za žudasnyja haziety, jakija raskidvajuć minčukam. Spravaj zajmajucca siłaviki
Ludziej, jakija vydajuć hazietu, šukajuć.
Apošnim časam mnohija minčanie znachodzili ŭ paštovych skryniach žudasnyja haziety «Cielebnik'». U hetym vydańni publikujecca dziŭnaja rekłama roznaha rodu «cudadziejnych srodkaŭ». Artykuły čaściej za ŭsio prosta zapałochvajuć čytačoŭ, u naturalistyčnych padrabiaznaściach raspaviadajučy pra vybuchi, zabojstvy i inšyja niepryjemnaści, ad nastupstvaŭ jakich prapanujecca nabyć «leki ad usich chvarob».
Minčuki źviartalisia ŭ MARH z prośbaj razabracca, adnak tam zajavili, što nie mohuć znajści vydaŭcoŭ hetych haziet, niahledziačy na toje, što zakon jany parušajuć.
Kiraŭnik praŭładnaha Sajuza žurnalistaŭ, deputat Minharsavieta Andrej Kryvašejeŭ raspavioŭ, što ciapier spravaj zajmajucca kampietentnyja orhany. Na hazietu jamu paskardzilisia žychary stalicy, pišuć «Minsk-Naviny».
«Adno z pytańniaŭ tyčyłasia raspaŭsiudu ŭ horadzie niezakonnaha drukavanaha vydańnia. Sumnaviadomy «Cielebnik'», jaki prapanuje leki ad usich chvarob pa vysokich cenach. Pytańnie znachodzicca na razhladzie kampietentnych orhanaŭ. Ciapier šukajuć tych ludziej i arhanizacyi, jakija vypuskajuć hetuju niezakonnuju brašuru», — raspavioŭ Kryvašejeŭ.
Jon paraiŭ hramadzianam nie źviartać uvahi na makułaturu i źviartacca tolki da kvalifikavanych daktaroŭ.
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary