Deputaty zadavolili patrabavańni hienieralnaha prakurora ab vyzvaleńni Usmanzada ad parłamienckaj niedatykalnaści i pazbavili jaho deputackaha imunitetu.
U Tadžykistanie pa patrabavańni Hienprakuratury byŭ aryštavany deputat parłamienta i były staršynia Demakratyčnaj partyi Saidžafar Usmanzada, piša «Nastojaŝieje vriemia».
Usmanzada abvinavačvajecca ŭ papiaredniaj zmovie ź lidarami apazicyi z metaj zachopu dziaržaŭnaj ułady ŭ Tadžykistanie, a taksama ŭ supracoŭnictvie ź lidarami zabaronienaha ŭ Tadžykistanie «Nacyjanalnaha aljansu Tadžykistana».
Pavodle źviestak śledstva, u vieraśni 2021 hoda Usmanzada pravioŭ telefonnyja pieramovy z namieśnikam kiraŭnika «Nacyjanalnaha aljansu Tadžykistana» Šarofidzinam Hadojevym i «daŭ papiarednija rekamiendacyi nakont uzurpacyi dziaržaŭnaj ułady».
Hadojeŭ, jak śćviardžajecca, paabiacaŭ, što kiraŭnik ekstremisckaj arhanizacyi «Partyja isłamskaha adradžeńnia» Muchidyn Kabiry akaža jamu finansavuju dapamohu i zabiaśpiečyć pierakidku z-za miažy bolš za try tysiačy bajcoŭ terarystyčnaj arhanizacyi «Džamaat Ansarułach».
Deputaty zadavolili patrabavańni hienieralnaha prakurora ab vyzvaleńni Usmanzada ad parłamienckaj niedatykalnaści i pazbavili jaho deputackaha imunitetu.
Mierkavańnie samoha Usmanzada i jaho svajakoŭ nakont pradjaŭlenych abvinavačańniaŭ pakul nieviadomaje.
U siaredzinie maja na pazačarhovym źjeździe Demakratyčnaj partyi Usmonzada byŭ adchileny z pasady jaje staršyni za «niezdavalniajučuju dziejnaść».
Jaho miesca zaniaŭ 34-hadovy Šachboz Abror, jaki ŭznačalvaŭ adździaleńnie partyi ŭ Dušanbe. U chodzie hałasavańnia jon atrymaŭ padtrymku 64 prychilnikaŭ.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii15
Kamientary