Sikorski: Na zaklik znajści i vydać zabojcu pamiežnika Biełaruś adkazała abvinavačvańniami
Ministr zamiežnych spraŭ Polščy raskazaŭ, što biełaruski bok admaŭlajecca supracoŭničać u vyłoŭlivańni złačyncy.
Kiraŭnik MZS Polščy Radasłaŭ Sikorski raskazaŭ pra reakcyju biełaruskaha boku na zaklik dapamahčy ŭ zatrymańni zabojcy polskaha pamiežnika. Sa słoŭ Sikorskaha, Biełaruś adkazała niezdavalniajuča — abvinavačvańniami na adras Polščy, piša PAP.
«Zamiest taho, kab znajści i pieradać nam zabojcu, Biełaruś vystaviła abvinavačvańni ŭ tym, što polskaja pamiežnaja słužba nibyta sama spyniła supracoŭnictva», — adznačyŭ Sikorski.
Palityk nazvaŭ heta čarhovaj chłuśnioj biełaruskaha boku. Raniej Minsk abvinavaciŭ Polšču ŭ nievykanańni pahadnieńnia ab readmisii, choć, na dumku Sikorskaha, pieršaj hetuju damovu parušyła mienavita Biełaruś.
«Mienavita Biełaruś spyniła prymianiać pahadnieńnie ab readmisii paśla sankcyj, uviedzienych ES u dačynieńni da Biełarusi paśla taho, jak Biełaruś prymusiła pryziamlicca ŭ Minsku jeŭrapiejski samalot ź biełaruskim dysidentam Ramanam Pratasievičam», — zajaviŭ Sikorski.
Jon dadaŭ, što nie čakaje kanstruktyŭnaha supracoŭnictva ź biełaruskim bokam.
Polski pamiežnik Matevuš Sitka byŭ paranieny mierkavana mihrantam na miažy ź Biełaruśsiu. Złamyśnik udaryŭ vajskoŭca nažom z-za płota. Lekary zmahalisia za žyćcio Matevuša, ale vyratavać jaho nie zmahli.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak10
Kamientary