Časovaha pavieranaha ŭ spravach Biełarusi Alaksieja Pankracienku vyklikali ŭ MZS Polščy paśla śmierci paranienaha na miažy ź Biełaruśsiu pamiežnika. Va ŭručanaj jamu nocie pratestu Polšča rašuča patrabuje spynić pravakacyi na polska-biełaruskaj miažy i arhanizacyju mihracyjnych płyniaŭ.
«Uličvajučy toje, što złačynstva adbyłosia na polskim baku miažy, a taksama ŭ suviazi z rasśledavańniem, jakoje pravodzić prakuratura, MZS taksama patrabuje identyfikacyi i vydačy padazravanaha ŭ zabojstvie polskaha hramadzianina», — havorycca ŭ zajavie.
Ministr zamiežnych spraŭ Polščy Radasłaŭ Sikorski prakamientavaŭ apošnija padziei na mitynhu «Hramadzianskaj kaalicyi» ŭ Poznani. Pavodle jaho słoŭ, «kali chtości prabivajecca z nažom praz płot praź dziaržaŭnuju miažu, bje funkcyjaniera polskaj dziaržavy, pamiežnika, sałdata, to heta nie biežaniec, a zvyčajny bandyt».
«My patrabujem ad biełaruskich uładaŭ vyśvietlić asobu hetaha zabojcy i pieradać jaho polskim uładam u ramkach rasśledavańnia, jakoje ŭžo viadzie naša Ministerstva justycyi», — zajaviŭ Sikorski.
Raniej stała viadoma, što ŭ Polščy pamior pamiežnik, jaki atrymaŭ nažavoje ranieńnie 28 maja ŭ rajonie vioski Dubičy Carkoŭnyja, kali mihranty sprabavali prarvacca z terytoryi Biełarusi.
Polski sałdat, paranieny mihrantam na biełaruskaj miažy, pamior
Paranieny kala biełaruskaj miažy polski sałdat u komie. Vyrašajuć, ci adklučać jaho ad sistem žyćciezabieśpiačeńnia
Bufiernaja zona na miažy Polščy ź Biełaruśsiu źjavicca 4 červienia
Jašče dva polskija sałdaty atrymali ranieńni na miažy ź Biełaruśsiu
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary
Łukašysty spužaliś i rahočuć.