MZS Vjetnama paśla vizitu Pucina nazvaŭ ZŠA stratehičnym partnioram
Pamočnik dziaržsakratara ZŠA pryjechaŭ u Vjetnam na nastupny dzień paśla vizitu Pucina i zajaviŭ, što adnosiny dźviuch krain «nikoli nie byli macniejšymi, čym ciapier». Chanoj paviedamiŭ ab hatoŭnaści ŭmacoŭvać partniorstva z Vašynhtonam.
Vjetnam ličyć ZŠA stratehičnym partnioram i padtrymlivaje ŭmacavańnie supracoŭnictva Złučanych Štataŭ z krainami Paŭdniova-Uschodniaj Azii, što paspryjaje «miru, stabilnaści i raźvićciu ŭ rehijonie i va ŭsim śviecie», zajaviŭ kiraŭnik vjetnamskaha MZS Buj Tchań Šon, piša RBK.
22 červienia jon sustreŭsia z pamočnikam dziaržsakratara ZŠA pa spravach Uschodniaj Azii i Cichaha akijana Denijełam Krytenbrynkam. Ministr paviedamiŭ, što Chanoj hatovy raźvivać stratehičnaje partniorstva z Vašynhtonam «na asnovie pavahi niezaležnaści, suvierenitetu, terytaryjalnaj cełasnaści i palityčnych instytutaŭ adzin adnaho, što adpaviadaje intaresam narodaŭ abiedźviuch krain».
Krytenbrynk, sa svajho boku, skazaŭ, što ZŠA addanyja padtrymcy «mocnaha, niezaležnaha, samastojnaha i kvitniejučaha Vjetnama», pakolki «paśpiachovy Vjetnam adkazvaje nacyjanalnym intaresam Amieryki». Pa słovach pamočnika dziaržsakratara, amierykana — vjetnamskija adnosiny «nikoli nie byli macniejšymi, čym ciapier», dźvie krainy supracoŭničajuć praktyčna va ŭsich halinach: ad ekanomiki, handlu i inviestycyj da biaśpieki.
Pamočnik dziaržsakratara byŭ pasłom ZŠA ŭ Vjetnamie z 2017 pa 2021 hod. Jaho vizit u Vjetnam 21-22 červienia prajšoŭ nieŭzabavie paśla dvuchdzionnaj pajezdki ŭ hetuju krainu rasijskaha prezidenta Uładzimira Pucina 19-20 červienia. Pa jaje vynikach Maskva i Chanoj damovilisia ŭmacoŭvać usioabdymnaje stratehičnaje partniorstva i nie dałučacca da sajuzaŭ z trecimi krainami na škodu adzin adnamu.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary