SBU zatrymała ŭkrainskaha pamiežnika, jaki pieradavaŭ Rasii infarmacyju pra miažu ź Biełaruśsiu
Kantraktnik supracoŭničaŭ z rasijskimi śpiecsłužbami.
Słužba biaśpieki Ukrainy abviaściła pra zatrymańnie rasijskaha ahienta, jaki źbiraŭ infarmacyju pra ŭkrainskija vojski i ŭmacavańni na miažy ź Biełaruśsiu.
Zatrymany — ukrainski pamiežnik-kantraktnik, jon słužyŭ kamandziram adździaleńnia ŭ adnym z atradaŭ na paŭnočnaj miažy. Pavodle źviestak kontrraźviedki, pamiežnik byŭ zavierbavany śpiecsłužbami Rasii.
Ahient pa zadańni kurataraŭ vyśviatlaŭ łakacyi ŭmacavanych rajonaŭ i mierkavanuju kolkaść ukrainskich vojskaŭ, jakija abaraniajuć pamiežža ź Biełaruśsiu. Taksama jon sprabavaŭ paviedamić kaardynaty składoŭ z uzbrajeńniem i bojeprypasami USU na terytoryi rehijonu.
Pavodle źviestak kontrraźviedki, kuratary abiacali evakujavać ahienta i pracaŭładkavać jaho ŭ rasiejskim padraździaleńni.
Pavodle źviestak śledstva, fihurant byŭ dystancyjna zavierbavany supracoŭnikam FSB Alaksiejem Dabryckim, jaki dysłakujecca ŭ akupavanym Łuhansku. Kantraktnik trapiŭ u pole zroku rasiejskich śpiecsłužbaŭ, kali prachodziŭ słužbu na ŭschodzie Ukrainy. Paśla jaho pieraviali ŭ adno z padraździaleńniaŭ pahraničnaha atrada ŭ Vałynskaj vobłaści.
Dla kamunikacyi ahient i jahony rasijski kuratar vykarystoŭvali ananimny čat u miesiendžary. Padčas pieratrusu ŭ domie i na pracoŭnym miescy zatrymanaha kanfiskavany mabilny telefon i kamputar, jakija jon vykarystaŭ dla kamunikacyi z kurataram.
Zatrymanamu ahientu paviedamili pra padazreńnie ŭ dziaržaŭnaj zdradzie. Jon znachodzicca pad vartaj, jamu pahražaje pažyćciovaje źniavoleńnie.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary