Amierykanskija ŚMI nazvali, chto moža pierakanać Bajdena vyjści z prezidenckaj honki
Prezident ZŠA Džo Bajden 30 červienia abmiarkuje z členami siamji svajo vyłučeńnie na druhi prezidencki termin, paviedamlaje NBC News sa spasyłkaj na krynicy.
Pavodle NBC News, tolki členy siamji — i ŭ pryvatnaści, žonka Džył — mahli b pierakanać Bajdena, što jamu nieabchodna vyjści z honki paśla niadaŭniaha pravału na debatach z Donaldam Trampam.
«Ludzi, jakija prymajuć rašeńni — heta dva čałavieki, prezident i jaho žonka», — skazała adna z krynic. «Adziny čałaviek, jaki maje poŭny ŭpłyŭ na jaho, heta pieršaja łedzi. Kali jana vyrašyć, što kurs pavinien źmianicca, kurs źmienicca», — dadaŭ inšy surazmoŭca.
Džył Bajden, pavodle amierykanskich vydańniaŭ, pieršapačatkova padtrymlivała paŭtornaje vyłučeńnie muža.
Ale amierykanskija ŚMI adznačajuć, što ŭ Demakratyčnaj partyi niama adzinaha mierkavańnia, ci nieabchodna Bajdenu admovicca ad baraćby na prezidenckich vybarach. Važny arhumient suprać — adsutnaść inšych dosyć papularnych kandydataŭ.
U ZŠA 27 červienia prajšli debaty kandydataŭ u prezidenty — Donalda Trampa i Džo Bajdena. Jany zaviaršylisia pravałam dla ciapierašniaha prezidenta. Hazieta The New York Times paśla debataŭ zaklikała Demakratyčnuju partyju vyłučyć inšaha kandydata zamiest Bajdena. Sam prezident ZŠA zajaviŭ, što maje namier pieramahčy na vybarach.
Kamientary