30 červienia na biełaruskich mieteastancyjach zafiksavali 23 tempieraturnyja rekordy
Pra šmatlikija tempieraturnyja rekordy śviedčyć paraŭnalny analiz apieratyŭnych i archiŭnych źviestak Biełhidramieta, praviedzieny telehram-kanałam «Nadvorje».
Haračej za ŭsio było ŭ Žytkavičach — 33,5 hradusa. Tut našmat pierakryty łakalny ekstremum, jaki trymaŭsia až z 1940 hoda (30,9).
U Homieli pavietra prahrełasia da 32,7 hradusa (31,5 u 1973 hodzie), u Mahilovie — da 31,8 (30,2 u 1959-m), Hrodnie — da 31,7 (31,2 u 2019-m).
Rekordnyja tempieratury adznačanyja taksama ŭ Lelčycach — 33,1 (30,6 u 2021 hodzie), Pinsku — 32,9 (31,8 u 2021-m), Akciabrskim — 32,8 (30,1 u 2010-m), Ivacevičach — 32,8 (32,2 u 2019-m), Mazyry — 32,7 (31 u 1999-m), na mieteastancyi «Paleskaja» ŭ Łuninieckim rajonie — 32,6 (30,9 u 2021-m), u Žłobinie — 32,5 (30,9 u 1999-m), Brahinie — 32,4 (30,7 u 1973-m).
Krychu chaładniej, ale z novymi maksimumami było ŭ Lidzie — 31,6 (31,1 u 1997 hodzie), Hancavičach — 31,2 (30,6 u 2021-m), Stoŭbcach — 31,2 (30,9 u 1997-m), Babrujsku — 31 (29,6 u 1981-m), Słucku — 31 (29,9 u 2021-m), Kaściukovičach — 31 (30,3 u 1999-m), Kličavie — 30,8 (29,3 u 1981-m), Bierazinie — 30,6 (30,1 u 2016-m), Vilejcy — 30,2 (29,8 u 2019-m), Mścisłavie — 29,4 (26,8 u 2014-m) i Lepieli — 29,1 (28,5 u 1997-m).
U troch haradach absalutnyja maksimumy dnia paŭtarylisia: u Pružanach (32,9 u 2022-m), Oršy i Siańnie (28,9 u 1981-m u abodvuch nasielenych punktach).
Rekord dla ŭsioj terytoryi Biełarusi — 34 hradusy (30 červienia 1917 hoda ŭ Vasilevičach), — hetym razam vytrymaŭ.
Tempieraturnyja rekordy ŭ krainie abnaŭlajucca čaćviorty dzień zapar. Za hety pieryjad zarehistravana nie mienš za 38 novych maksimumaŭ.
Pavodle prahnozu Biełhidramieta, pieryjad haračaha nadvorja zavieršycca 2 lipienia.
Ciapier čytajuć
Cichanoŭski — biełarusam: «Kali vy čakali znak, to voś jon». Prachodzić pres-kanfierencyja z vyzvalenymi palitviaźniami2
Cichanoŭski — biełarusam: «Kali vy čakali znak, to voś jon». Prachodzić pres-kanfierencyja z vyzvalenymi palitviaźniami
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary