«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu
Čarha lehkavikoŭ na vyjezd z Polščy ŭ Biełaruś raściahnułasia na niekalki kiłamietraŭ. Tyja, chto nie kupiŭ pradukty ŭ darohu, vymušanyja šukać, dzie pierakusić. Restaran Austeria z maleńkaj polskaj viosački Kabylany prydumaŭ, jak vyrašyć hetuju prablemu i adnačasova naraścić vyručku. Restaran prapanavaŭ biaspłatnuju dastaŭku ježy prosta na miažu i navat zamoviŭ adpaviednyja vizitoŭki na ruskaj movie, piša Most.
Kabylany — nievialikaja pamiežnaja vioska, tut žyvie mienš za 500 čałaviek. Da klijentaŭ, jakija čakajuć vyjezdu ŭ Biełaruś, adsiul kala troch kiłamietraŭ. Kali čarha na vyjezd z Polščy raściahnułasia, ustanova skarystałasia situacyjaj.
«Čarha ciapier vielmi doŭhaja, i zamoŭ vielmi šmat», — raskazali ŭ restaranie.
Znachodzić klijentaŭ niaciažka: turysty ŭ čarzie raskazvajuć pra ŭstanovu adzin adnamu, a fatahrafijaj vizitoŭki dzielacca ŭ pamiežnym čacie.
Zamovy ź miažy hrupujuć i dastaŭlajuć adrazu niekalkim klijentam. Jak praviła, čakańnie składaje čas u miežach paŭhadziny.
Praŭda, pasłuha dastupnaja nie zaŭsiody: uviečary 12 lipienia, kali žurnalist Most patelefanavaŭ u kaviarniu, aformić zamovu ŭžo nie było mahčymaści. Ale supracoŭnica zapeŭniła, što ŭ cełym prapanova aktualnaja.
Picy dyjamietram 33 santymietry kaštujuć u restaranie ad 30 da 36 złotych, da ich prapanujucca dva vidy sousaŭ. U mieniu taksama sałaty, supy, miasnyja i rybnyja stravy, pasta, desierty; niekalki straŭ prapanujucca śpiecyjalna dla dziaciej.
Blizkaść miažy adbivajecca na kuchni: tut padajuć pielmieni — pa 20 złotych za 15 štuk, — a taksama bulbianyja aładki ź vialenym łasosiem.
Pravierki telefonaŭ, «dziravyja» sankcyi, bahatyja minčuki i adčuvalnaść da kamunizmu. Što ździviła palakaŭ u Biełarusi
Miaža dla hruzavikoŭ nie zakrytaja, a ruch zapavoliŭsia z-za pravierak pavodle novych sankcyj. Polski bok daŭ tłumačeńni
«Mahli ź biełaruskimi pamiežnikami zakuryć cyharetu». Jak žyvie polskaje pamiežža z bufiernaj zonaj
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary