Stała viadoma pra vyzvaleńnie pres-sakratara A1 Mikałaja Bredzieleva
Adzin z samych talenavitych pijarščykaŭ krainy, jaki adnačasova rabiŭ šmat dla kultury, vyjšaŭ na svabodu 11 červienia 2025 hoda. Jon całkam adbyŭšy pryznačany čatyrochhadovy termin.
Kiraŭnik upraŭleńnia suviaziaŭ z hramadskaściu kampanii A1 Mikałaj Bredzieleŭ byŭ zatrymany 10 śniežnia 2021 hoda. Siłaviki źbili jaho — susiedzi pa Akreścina kazali pra fijaletavyja nohi pijarščyka — i prymusili pryznacca, što jon nibyta pieradavaŭ «ekstremistam» źviestki pra abanientaŭ mabilnaha apieratara. Kampanija A1 paśla heta tłumačyła, što Bredzieleŭ nie mieŭ dostupu da infarmacyi pra klijentaŭ.
Abvinavačvańnie ŭ pieradačy źviestak dajšło da suda jak «złoŭžyvańnie ŭładaj» — ale Bredzieleŭ byŭ apraŭdany pa im.
A voś za danaty błohieru Anton Matolku pres-sakratara A1 asudzili na čatyry hady kałonii. Pryčym prajekt Matolki staŭ «ekstremisckim farmavańniem» užo paśla aryštu Bredzieleva.
Mikałaj adbyvaŭ pakarańnie ŭ kałonii №22 Vaŭčynyja nory pad Ivacevičami.
Jak paviedamiła «Viasna», 11 červienia 2025 hoda Bredzieleŭ vyjšaŭ na svabodu, całkam adbyŭšy pryznačanaje pakarańnie.
-
«Adnu mianie biesić, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
-
U Lidzie pamior 71-hadovy mužčyna. Jaho syn, zborščyk podpisaŭ za Capkału, kaža, što baćku zakatavali da śmierci. Ci tak heta?
-
U noč na 4 lipienia ŭ Minsku puściać dadatkovy transpart
Kamientary
[Zredahavana]