Kitajski ministr zajaviŭ pradstaŭniku ES, što Piekin nie choča parazy Pucina va Ukrainie
Kitaj baicca, što ŭ takim vypadku ZŠA całkam pieraklučać svaju ŭvahu na ŭschod.
Ministr zamiežnych spraŭ Kitaja Van I 3 lipienia pravioŭ sustreču ź viarchoŭnym pradstaŭnikom Jeŭrasajuza pa zamiežnych spravach Kajaj Kałas. Jak pišuć ŚMI, padčas čatyrochhadzinnych zakrytych pieramoŭ pa šyrokim śpiektry hieapalityčnych i handlovych pytańniaŭ kitajski čynoŭnik pračytaŭ Kałas «niekalki ŭrokaŭ historyi i lekcyj».
Jak śćviardžaje South China Morning Post, Van I zajaviŭ, što Piekin nie choča parazy Rasii va Ukrainie, bo baicca, što ŭ takim vypadku Złučanyja Štaty Amieryki całkam pieraklučać svaju ŭvahu na Piekin. Pra heta vydańnie paviedamlaje sa spasyłkaj na niekalki krynic. Hety kamientar, zrobleny pradstaŭniku ES, paćvierdziŭ toje, što mnohija ŭ Brusieli ličać pazicyjaj Piekina, ale supiarečyć publičnym zajavam Kitaja.
MZS hetaj krainy rehularna zajaŭlaje, što aficyjny Piekin nie źjaŭlajecca bokam vajny. Taksama Van I adchiliŭ abvinavačvańni ŭ tym, što Kitaj materyjalna ci finansava padtrymlivaje vajennyja namahańni Rasii, nastojvajučy na tym, što kali b jon heta rabiŭ, kanflikt daŭno b skončyŭsia.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia29
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary