Na Homielščynie čakajecca da +34°S, pa ŭschodniaj pałovie krainy — daždžy i navalnicy.
Aranžavy ŭzrovień niebiaśpieki z-za ŭmoŭ nadvorja abvieščany na paniadziełak, paviedamiŭ Biełhidramiet.
«Udzień 15 lipienia pa paŭdniovym uschodzie krainy maksimalnaja tempieratura pavietra dasiahnie + 30..+34°S», — udakładnili ŭ pres-słužbie viedamstva.
Va ŭschodniaj častcy krainy buduć karotkačasovyja daždžy, a ŭ asobnych rajonach i navalnicy.
«Viecier pieramiennych kirunkaŭ 4-9 m/s, pry navalnicach paryvy da 14 m/s, miescami 15-18 m/s. Tempieratura pavietra ŭdzień +24..+29°S», — raspaviali ŭ Biełhidramiecie.
Na vychodnych u vyniku razhułu stychii zahinuli troje čałaviek, u tym liku dzicia.
U roznych rehijonach pa ŭsioj krainie nasielenyja punkty zastalisia biez elektryčnaści, vietram taksama sarvała dachi damoŭ i valiła drevy.
Ekstrannyja słužby zajmajucca likvidacyjaj nastupstvaŭ niepahadzi. Biez elektryčnaści zastajecca bolš za 1200 nasielenych punktaŭ.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary