Siońnia adbyłasia narada z sudździami Kanstytucyjnaha suda.
Alaksandr Łukašenka daručyŭ svajoj Administracyi arhanizavać praviadzieńnie maštabnaj revizii zakanadaŭstva. Pra heta jon zajaviŭ 18 lipienia na sustrečy z sudździami Kanstytucyjnaha suda, piša BiełTA.
Łukašenka zaŭvažyŭ, što ciapier u Biełarusi źjaŭlajucca dziejučymi 175 tysiač aktaŭ.
«Katastrofa! Niekatoryja ź ich ciažka čytalnyja i ŭsprymalnyja, pierahružanyja, asobnyja pytańni zarehulavać. Mnohija normy paŭtarajucca, u akty ŭnosiacca množnyja karekciroŭki», — paznačyŭ koła prablem Łukašenka.
Jon źviarnuŭ uvahu, što pry ŭniasieńni istotnych karekcirovak narmatyŭna-pravavy akt varta vydavać znoŭku ŭ abnoŭlenym, aktualnym varyjancie, što dazvolić istotna palehčyć pracu z takim dakumientam.
Dla vyrašeńnia isnujučych prablem Alaksandr Łukašenka daručyŭ pravieści maštabnuju reviziju zakanadaŭstva, arhanizacyjaj pracesu budzie zajmacca Administracyja.
«Volha Ivanaŭna (namieśnik kiraŭnika Administracyi), treba sabrać śpiecyjalistaŭ, padklučyć Kanstytucyjny sud», — skazaŭ jon. Pryciahvać da hetaj pracy taksama buduć parłamientaryjaŭ.
Ciapier čytajuć
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?1
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary