U Hrodnie znajšli niezvyčajnyja 500 jeŭra, na ich palujuć kalekcyjaniery
U Hrodzienski mižrajonny adździeł Dziaržaŭnaha kamiteta sudovych ekśpiertyz pastupili dźvie banknoty jeŭra pa 500 jeŭra ŭzoru 2002 hoda, jakija vyklikali sumnieńni ŭ sapraŭdnaści ŭ rabotnika banka.
Zhodna z vysnovami sudovaha ekśpierta, daśledavanyja abjekty sapraŭdnyja. Brak u vytvorčaści kupiur sustrakajecca davoli redka. U 2021 hodzie da sudovych ekśpiertaŭ na daśledavańnie trapili brakavanyja jeŭra. Na kupiury naminałam 50 jeŭra, jakuju pryniesła ŭ bank žycharka Hrodna, adsutničała hałahramy. Jak vyśvietliłasia, u chodzie vytvorčaści kupiury byŭ zavodski brak. Taksama nie vyklučana viersija taho, što hałahramu akuratna vydalili złamyśniki dla nastupnaha vyrabu padrobki, paviedamlaje Dziaržkamitet sudovych ekśpiertyz.
U 2024 hodzie abjektam daśledavańnia byli 100 dalaraŭ z brakam, dapuščanym pry vytvorčaści.
Admietna, što takija «redkija banknoty» vyklikajuć cikavaść u kalekcyjanieraŭ.
Sudovyja ekśpierty nahadvajuć: kali ŭ vas uźnikli sumnievy adnosna sapraŭdnaści taho ci inšaha hrašovaha bileta, jość mahčymaść u pryvatnym paradku źviarnucca ŭ Dziaržaŭny kamitet sudovych ekśpiertyz dla praviadzieńnia adpaviednaj ekśpiertyzy na płatnaj asnovie.
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń32
Kamientary