Finalny tekst mirnaha pahadnieńnia pa Ukrainie jašče nie ŭzhodnieny
Na ŭčorašnich pieramovach ukrainskaj i amierykanskaj delehacyj u Fłarydzie pakul nie ŭdałosia kančatkova ŭzhadnić prajekt mirnaha pahadnieńnia. U pryvatnaści, aktyŭna abmiarkoŭvalisia pytańni terytoryj, zakranałasia taksama tema členstva Ukrainy ŭ NATO. Pra heta RBK-Ukraina raspaviała infarmavanaja krynica.
«Pieramovy sfakusavanyja ŭžo nie stolki na ramcy, jakaja była ŭzhodniena ŭ Ženievie, kolki na prablemnych pytańniach, što zastalisia. To-bok my nie kažam pra toje, što ŭ nas ciapier jość stopracentnaje razumieńnie finalnaha tekstu, ale heta byŭ jašče adzin krok napierad», — raspavioŭ surazmoŭca.
Pavodle jaho słoŭ, amierykanski bok razumieje svaju hałoŭnuju zadaču, jakaja zaklučajecca nie ŭ tym, kab u čymści pierakanać Ukrainu. «Jany razumiejuć, što jość druhaja bok, i da jakoha b ahulnaha nazoŭnika jany ni pryjšli z Ukrainaj, zastajecca rasijski bok, ź jakim im jašče pracavać. I jany razumiejuć, što tam składaniej», — skazała krynica.
Taksama, pavodle jaho słoŭ, šmat uvahi padčas razmoŭ udzialałasia pytańniu terytoryj. Pry hetym amierykancy, jakija razhladajuć siabie jak miedyjataraŭ u pracesie, danosiać da Ukrainy pazicyju RF, jakaja patrabuje poŭnaha vychadu ŭkrainskich sił z Danbasa.
Zatoje ŭkrainski bok, pavodle słoŭ krynicy, na sustrečy arhumientavaŭ, čamu taki padychod nie źjaŭlajecca mahčymym: u siłu kanstytucyjnych abmiežavańniaŭ, mierkavańnia ŭkrainskaha hramadstva, a taksama nieadpaviednaści realnaj situacyi. Tamu pazicyja Ukrainy zastajecca niaźmiennaj: dyskusija pa terytoryjach pavinna pačynacca ź ciapierašniaj linii sudakranańnia.
«Praces pošuku patencyjnych rašeńniaŭ praciahvajecca, ale heta, viadoma, vielmi składanaje pytańnie», — dadaŭ surazmoŭca.
Taksama Ukraina daniesła amierykancam svaju pazicyju i adnosna členstva ŭ NATO. U pryvatnaści, ukrainskaja delehacyja kazała pra toje, što kurs na členstva ŭ Aljansie zamacavany ŭ Kanstytucyi, i jaho źmianieńnie dziela zaklučeńnia mirnaha pahadnieńnia źjaŭlajecca drennym precedentam. Inšy ahučany arhumient — niemahčymaść pradastaŭleńnia prava vieta na členstva luboj krainie ŭ NATO.
«Hatoŭnaść słuchać našy arhumienty z boku amierykancaŭ prysutničaje. Inšaja sprava, što jany pastajanna kažuć: dobra, vy možacie być na 100% pravyja, ale jość inšy bok, i jon patrabuje vo hetaha i hetaha. My jak miedyjatar pavinny zabiaśpiečyć toje, kab vy pryjšli da mirnaha pahadnieńnia. Vy možacie kolki zaŭhodna łahična tłumačyć svaju pazicyju, ale kali inšy bok kaža «nie» — dyk što my zrobim?» — skazaŭ surazmoŭca vydańnia.
Kamientary
Čtoby SŠA, kak hosudarstvo, nie niesło nikakich obiazatielstv v otnošienii Ukrainy. Imiejem miežsobojčik miež trampom i putinym, za zaklučienije filkinoj hramoty, v obchod sienata i hosdiepa, tramp, jeho fondy (kušniera, viťkova), połučat 2 trłn dołłarov ot Rośsii. Dla etoho nado, čtoby stojali podpisi tolko Ukrainy i Rośsii.
Nabludajem prodažu Ukrainy putinu i bolšie ničieho....
Nikto ničieho nie podpišiet,tie proihrajut užie skoro ili čuť pozžie,a Tramp vklučit okunia i zakončit 10 vojn (vo śnie raźvie čto).