«Heta Valer Capkała». Stryžak nazvaŭ svaich asnoŭnych chejtaraŭ
Ale jość i tyja ludzi, chto nienavidziać jaho z pačatku 2000-ch hadoŭ. Pra heta kiraŭnik fondu salidarnaści «Bajsoł» Andrej Stryžak raskazaŭ u vypusku TOKu.
«Ich niekalki čałaviek, ale jany samyja addanyja, samyja ščyryja», — havoryć mužčyna i na prośbu nazvać imiony adkazvaje: «Heta Kastuś Žukoŭski, čałaviek z Homiela. Chiba jon asnoŭny. I niejkija ludzi ź jaho tusoŭki. Proźviščy nie zhadaju, bo pytańnie niečakanaje».
Z «novaj hienieracyi» — ludziej, jakija źjavilisia paśla 2020 hoda, Stryžak nazyvaje Valera Capkału. Pryčynu takich adnosin da siabie mužčyna tłumačyć nastupnym čynam:
«Na Bi-Bi-Si dzieści 18 ci 20 žniŭnia 2020 hoda vyjšaŭ materyjał, dzie raskazvałasia pra novyja struktury, fondy, jakija źbirajuć dapamohu. I była dyjahrama, dzie pakazvałasia, chto kolki sabraŭ hrošaj i jak jany vydatkoŭvajucca. Tam było napisana, što fond Valery Capkały sabraŭ kala troch z pałovaj miljonaŭ (na dyjahramie — 4 młn jeŭra. — NN). Jon kaža, što nie viedaje, što heta za dyjahrama i adkul jana ŭziałasia. Ale z historyi nie vykraśliš.
Ja tak razumieju, heta vielmi padobna da jaho inicyjatyvy pra zbor na aryšt Łukašenki. Chutčej za ŭsio nijakich hrošaj nie było. Nie idzie hutarki pra kradziež. Ale heta vielmi dobra ilustruje staŭleńnie čałavieka da hetaha resursu».
Na pytańnie, čamu ŭ jaho šmat vorahaŭ, Stryžak zaŭvažyŭ, što nie moža tak skazać.
«U mianie vorahaŭ nie bolš, čym u luboj publičnaj asoby. Moža być, tyja, chto vorahi, bolš čutnyja. (…) Ja spakojna da hetaha staŭlusia, bo kali ty publičny, ty pryciahvaješ uvahu i, zrazumieła, krytyku.
Vielmi važna nie zakaścianieć u hetaj usioj situacyi tak, kab nie ŭsprymać krytyku ŭvohule. Treba ŭmieć adroźnić, kanstruktyŭnaja krytyka ci čarhovy chejt. Heta treba raźvivać u sabie, i ja nad hetym pracuju kožny dzień».
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary