Polski turyst pryjechaŭ u Biełaruś i raschvaliŭ jaje na ŭsie łady. Jon akazaŭsia nieanacystam
Turyst z Polščy Tomaš Adamski źjaviŭsia ŭ instahramie telekanała «Hrodna Plus», zaŭvažyŭ Hrodna.life. Na videa jon raschvalvaje Biełaruś i Łukašenku, ale redakcyju zacikaviła nie heta, a jahonaja kašula. Akazałasia, na joj simvolika nieafašysckaj polskaj partyi Rodacy Kamraci.
Polski turyst Tomaš Adamski ŭ kašulcy nieafašysckaha ruchu Rodacy Kamraci. Skrynšot Hrodna.life ź videa kanała «Hrodna Plus»
«Na Biełarusi vielmi spakojna. Cišynia i spakoj. Vielmi šmat miescaŭ možna pabačyć. Pryhožaja pryroda navokał, — pačynaje svoj raskaz Tomaš. — Situacyja ŭ Biełarusi vyhladaje vielmi spryjalna dla palakaŭ. Mianie nichto nie kranaŭ. Ja nočču hulaŭ — nichto mianie nie pabiŭ».
A jašče Tomašu Adamskamu vielmi padabajecca Łukašenka i nie padabajucca polskija palityki.
Uvieś čas na videa dobra bačnaja majka Tomaša Adamskaha ź vialikim łahatypam arhanizacyi Rodacy Kamraci. Što heta za struktura?
Rodacy Kamraci — heta polskaja nacyjanalistyčnaja i nieafašysckaja partyja, jakuju ŭ 2023 hodzie stvaryŭ aktyvist Vojciech Alšański na asnovie svajho raniejšaha ruchu Kamractwo. U 2022 hodzie Alšański trapiŭ na paŭhoda ŭ turmu za pahrozy zabojstva deputataŭ polskaha Siejma.
Rodacy Kamraci vykazvajuć antysiemickija, antyŭkrainskija, antyamierykanskija i hamafobnyja pohlady. Taksama jany vierać u «jaŭrejskuju zmovu» i inšyja teoryi zmovy, admaŭlajuć pandemiju COVID-19 dy chvalać Polšču časoŭ kamunizmu (kankretna — 1956−1970 hady, kali kiravaŭ Uładysłaŭ Hamułka). Lidar partyi Vojciech Alšański u studzieni 2024 hoda pryznaŭsia, što ŭ časy kamunizmu byŭ bajcom ZOMO — anałah biełaruskaha AMAP — jaki žorstka razhaniaŭ pratesty ŭ Polščy.
Pošuk pa tvarach, praviedzieny redakcyjaj Hrodna.life, pakazaŭ, što turyst Tomaš Adamski (abo vielmi padobny da jaho čałaviek) udzielničaŭ u červieni 2022 hoda ŭ nacyjanalistyčnym maršy ŭ Varšavie. Udzielniki nieśli słohany «Vialikaja Polšča», vykrykvali antyŭkrainskija i antysiemickija łozunhi dy łozunhi suprać ŁHBT-supolnaści. U čas maršu jany abvinavacili Ukrainu i NATA ŭ ahresii suprać Rasii. Pavodle vydańnia OKO.press, toj marš arhanizavali prarasijskija aktyvisty ŭ Polščy.
Polskija turysty na «mašynie Funcika» prajechalisia pa Biełarusi i raschvalili jaje na ŭsie łady. Što im tak spadabałasia?
Sudździa-pierabiežčyk Šmit tak nachvalvaŭ Łukašenku, što načysta zabyŭsia pra chranałohiju padziej
Zatknie za pojas Kačanavu — jak polski pierabiežčyk Šmit chvalić Łukašenku
Dziermant: mietamarfozy. Jak nieanacyst i pahaniec palubiŭ Łukašenku, Rasiju i vajnu
Ciapier čytajuć
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1010
Kamientary