Palinu Šarendu-Panasiuk vyvieźli z Centra sudovych ekśpiertyz u Navinkach
«Ekśpiertyza skončyłasia, tak i nie pačaŭšysia», — paviedamiŭ u fejsbuku jaje muž Andrej Šarenda.
«Paliny ŭžo niama ŭ Centry sudovych ekśpiertyzaŭ u Navinkach. Ekśpiertyza skončyłasia, tak i nie pačaŭšysia. Mahčyma, Palinu etapavali adtul jašče na minułym tydni. My tak i nie paśpieli pieradać joj tudy pradukty, nieabchodnyja rečy i leki. My nie viedajem, dzie jana zaraz znachodzicca, i jaki stan jaje zdaroŭja.
Piakielny etap, biezvychodnaść i rospač dla Paliny. Boža, dapamažy joj pieražyć hetyja pakuty», — napisaŭ jon.
***
Palinu Šarendu-Panasiuk zatrymali ŭ studzieni 2021 hoda ŭ Bieraści, u jejnym domie. U červieni 2021 hoda sud Maskoŭskaha rajona Bieraścia pryhavaryŭ žančynu da 2 hadoŭ pazbaŭleńnia voli va ŭmovach ahulnaha režymu pavodle art. 364 («hvałt u dačynieńni supracoŭnika orhanaŭ unutranych spraŭ»), 369 («abraza pradstaŭnika ŭłady») i 368 («abraza prezidenta») KK.
U krasaviku 2022 hodu palitźniavolenuju pryhavaryli jašče da adnaho hodu źniavoleńnia pavodle č. 1 art. 411 KK, u kastryčniku 2023-ha — jašče da adnaho hodu pavodle taho ž artykułu. Palina Šarenda-Panasiuk musiła vyjści na volu ŭ kancy maja 2024 hoda, ale suprać jaje była zaviedzienaja novaja kryminalnaja sprava. U pačatku lipienia jaje apraŭlali na ekśpiertyzu ŭ Centr sudovych ekśpiertyz u Navinkach.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary