Jeŭrakamisija zapatrabavała ad Vienhryi rastłumačyć spraščeńnie ŭjezdu dla rasijanaŭ i biełarusaŭ
Jeŭrakamisija zaprasiła tłumačeńni ŭ Vienhryi nakont źmiakčeńnia vizavych patrabavańniaŭ dla hramadzian Rasii i Biełarusi, kab pravieryć hetaje rašeńnie na pradmiet adpaviednaści normam ES, zajaviła na bryfinhu dla žurnalistaŭ pradstaŭnica JEK Anita Chipier, jakaja adkazvaje za mihracyju i ŭnutranuju biaśpieku ŭ abjadnańni, piša RBK.
«Jeŭrakamisija znachodzicca ŭ kantakcie z uładami Vienhryi ŭ hetym pytańni, kab rastłumačyć maštaby hetaj schiemy, i ci nie parušaje jana našy praviły. Zhodna z našaj palitykaj, Rasija — heta pahroza biaśpiecy ES, tamu ES i jaho členy pavinny prymać usie zachady, kab harantavać biaśpieku Jeŭrasajuza i Šenhienskaj prastory», — skazała jana.
U lipieni Vienhryja pašyryła śpis krain, čyje hramadzianie mohuć atrymać pracoŭnyja vizy pa paskoranaj pracedury biez pravierak biaśpieki, uklučyŭšy tudy Rasiju i Biełaruś. Jašče viasnoj vienhierskija ŭłady abviaścili ab čakańni 65 tys. zamiežnych rabočych, jakija majuć prava pryvieźci z saboj siemji i padać praz try hady zajavu ab atrymańni pastajannaha dazvołu na žycharstva.
Zakanadaŭstva ES dazvalaje ŭradam krain-členaŭ samastojna rehulavać praviły lehalnaj mihracyi i dazvołaŭ na pracu. Pry hetym hramadzianie dziaržaŭ, jakija nie ŭvachodziać u ES, ale atrymali dazvoły abo DNŽ, jak praviła, majuć mahčymaść svabodna pieramiaščacca pa Šenhienskaj zonie, jakaja ŭklučaje 27 krain supolnaści, a taksama Narviehiju i Šviejcaryju.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary