Artystka apublikavała kadry z palihona.
Ukrainskaja śpiavačka Cina Karal prachodzić vajennuju padrychtoŭku. Jana adznačyła ŭ sacsietkach, što znachodzicca ŭ łahiery vajennaj padrychtoŭki ź vieteranami «Azova». Tam jana vučycca bazavym navykam, jakija patrebnyja dla vajskoŭcaŭ, paviedamlaje «Unian».
Taksama śpiavačka pakazała videa, na jakim biehaje ź inšymi vučniami. Zatym jana dałučyłasia da hatoŭki straŭ palavoj kuchni i pakazałasia ŭ formie sa zbrojaj.
Raniej Cina Karal raspaviadała, što navučyłasia trymać zbroju ŭ rukach i stralać, a jašče prajšła kurs pa taktyčnaj miedycynie pa pratakole ASM MARCH. Ciapier artystka viedaje, jak akazać čałavieku pieršuju miedycynskuju dapamohu.
Paźniej jana prakamientavała svoj vybar pajści na vajennyja vučeńni tak:
«Ja hramadzianka Ukrainy. Heta moj vybar. Moj vybar Ukraina ŭžo vielmi daŭno. Heta nie navina. Chaču śviadoma razumieć, što adbyvajecca, jak dapamahčy ludziam i sabie ŭ nadzvyčajnaj situacyi. I my žyviem u vajnie. Ja vyrašyła dla siabie, što ja pavinna viedać usio: heta taktyčnaja miedycyna pa pratakole, abychodžańnie sa zbrojaj, praktyka pa stralbie, vykarystańnie radyjosuviazi, inžyniernaja padrychtoŭka i bajavoje zładžvańnie».
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ16
Kamientary