Litva płanuje pastupova źmienšyć kolkaść aŭtobusnych maršrutaŭ ź Biełaruśsiu
Płanujecca dalejšaje skaračeńnie aŭtobusnych rejsaŭ pamiž Litvoj i Biełaruśsiu, zajaviła ministr unutranych spraŭ Ahnie Biłatajcie.
Pavodle jaje słoŭ, jość płan pa skaračeńni patoku aŭtobusaŭ, za heta adkazvaje Mintrans.
«My ŭ svaju čarhu zakryli pamiežnyja punkty, što pamienšyła patoki, z našaha boku byli zrobleny adpaviednyja dziejańni, jakija paŭpłyvali na hety praces», — zajaviła Biłatajcie ŭ efiry Radyjo LRT, piša «Sputnik».
Pradstaŭnik Ministerstva transpartu Stanisłavas Linhis u svaju čarhu paviedamiŭ, što zaraz realizujecca pryniataje ŭradam Litvy jašče ŭ sakaviku rašeńnie ab skaračeńni rejsaŭ u Biełaruś u dva razy.
Jon taksama adznačyŭ, što pasažyrapatok moža pavialičycca ŭ suviazi z tym, što Litva zabaraniła prajezd lehkavych mašyn ź biełaruskimi numarami. Adnak prahnazavać, jak składziecca situacyja paśla ŭstupleńnia ŭ siłu zabarony, u viedamstvie pakul nie mohuć.
Kiraŭnik Vilenskaj kampanii pasažyrskaha transpartu dalokaha śledavańnia Arunas Indrašus zajaviŭ, što nie čuŭ pra novyja płany pa skaračeńni rejsaŭ. Jon nahadaŭ, što sakavika hetaha hoda ich kolkaść i tak skaraciłasia napałovu.
Indrašus rastłumačyŭ, što na siońniašni dzień novyja dazvoły nie vydajucca, a staryja nie padaŭžajucca. Pieravozki pakul jašče ažyćciaŭlajucca tymi dazvołami, jakija sapraŭdnyja, i z zakančeńniem ich terminu pieravozčyki, nie atrymlivajučy novyja, sychodziać.
Jak zajaviŭ raniej u aŭtorak dyrektar Upraŭleńnia transpartnaj biaśpieki Hienius Łukošus, z 58 rejsaŭ u Biełarusi ciapier zastałosia 35. Płanujecca, što da lutaha 2025 hoda kolkaść pastupova budzie źnižana da 29.
Ciapier čytajuć
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ12
Kamientary
A jašče heta čarhovy dokaz taho, što ad Śvietki i ŭsich astanich niama nijakaj karyści.
Sami siadziać u Vilni i navat ź litoŭsimi ŭładami damovicca nie ŭ stanie. Absalutnyja palityčnyja impatenty. Varta razahnać usie hetyja kabiniety/rady i hd. jak sidaravych koz, a hranty, jakija jany pajadajuć raźmierkavać pa siemjach byłych i dziejnych palitviaźniaŭ.