Pradstaŭnica Niderłandaŭ vyjhrała alimpijski marafon paśla dvuch bronzavych miedaloŭ u biehu na 5 i 10 kiłamietraŭ
Heta druhi vypadak u historyi Alimpijskich hulniaŭ, kali ŭ kahości atrymlivałasia zavajavać try miedali ŭ biehu na doŭhija dystancyi. I pieršy siarod žančyn.
U apošni dzień Alimpijady ŭ Paryžu pradstaŭnica Niderłandaŭ Sifan Chasan zdabyła pieramohu ŭ marafonie z alimpijskim rekordam — jana pieraadoleła 42 km 195 mietraŭ z časam 2:22:55. Raniej dziaŭčyna vyjhrała bronzu ŭ biehu na 5 i 10 tysiač mietraŭ.
Finiš marafona, darečy, byŭ vielmi dramatyčnym.
Takim čynam Chasan paŭtaryła pośpiech čechasłavackaha biehuna Emila Zatapieka ŭ Chielsinki-1952. 72 hady tamu jon vyjhraŭ zołata va ŭsich troch dyscyplinach, i paŭtaryć jaho dasiahnieńnie zdavałasia fantastykaj.
Try hady tamu ŭ Tokia Sifan Chasan taksama vyjhrała try miedali: zołata ŭ dystancyjach 5 i 10 tysiač mietraŭ, a taksama bronzavy miedal u biehu na 1500 mietraŭ. Pierad hulniami ŭ Paryžy spartoŭka vyrašyła biehčy marafon.
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska2
Kamientary
Hiendernakvotavyja dyscypliny.
I toje, chramasomy śled źmieryć