«Taliban» uvioŭ novyja zakanadaŭčyja abmiežavańni dla žančyn u Afhanistanie. Zakon padrychtavała ministerstva raspaŭsiudžvańnia dabradziejnaści i praduchileńnia raspusty, stvoranaje talibami paśla zachopu ŭłady ŭ 2021 hodzie.
Zakony ab raspuście i dabradziejnaści achoplivajuć takija aśpiekty paŭsiadzionnaha žyćcia, jak hramadski transpart, muzyku, haleńnie i śviaty, paviedamlaje AP.
Asobny artykuł zakonaŭ pryśviečany žančynam. Zakon ciapier kateharyčna abaviazvaje žančyn pakryvać usio cieła i całkam zakryvać tvar u hramadskich miescach «u metach paźbiahańnia spakusy i spakušeńnia inšych». Adzieńnie nie pavinna być tonkim, ablahać ci być karotkim.
Taliby pryznali žanočy hołas «intymnaj rečču», tamu žančynam zaraz zabaroniena śpiavać ci, naprykład, dekłamavać vieršy na publicy.
Taksama žančynam zabaranili hladzieć na mužčyn, za vyklučeńniem muža i svajakoŭ.
Novy zakon zabaraniaje vadzicielam padvozić adzinokich žančyn, mužčynam i žančynam, jakija nie źjaŭlajucca svajakami, nielha jeździć u adnym sałonie.
Aproč abmiežavańniaŭ dla žančyn, zakon zabaraniaje prajhravańnie muzyki, a taksama publikacyju vyjavaŭ lubych žyvych istot. Dakumient zaklikaje žycharoŭ Afhanistana vykonvać praviły isłamu i malicca adpaviedna.
-
Pieramožcam muzyčnaha konkursu «Interbačańnie» staŭ pradstaŭnik Vjetnama, biełaruska na šostym miescy
-
Amierykanskuju śpiavačku, jakaja padtrymlivaje ŁHBT, u apošni momant źniali z rasijskaha konkursa «Interbačańnie»
-
Prezident Čechii: Rasijskija samaloty, jakija parušajuć pavietranuju prastoru krain NATA, treba źbivać
Ciapier čytajuć
«Arabski šejch zasunuŭ dalary ŭ kišeniu». Błohier Vadimati Jermašuk ciapier pracuje achoŭnikam luksavych bucikoŭ5
Kamientary