Frydman patłumačyŭ zajavu Łukašenki ab prapanovie vajavać na baku Ukrainy
«Łukašenka tryccać hadoŭ raskazvaje kazki, što jamu niechta niešta prapanavaŭ».
Učora Łukašenka zajaviŭ, što jamu prapanoŭvajuć plunuć na Rasiju i vajavać razam z Ukrainaj. U efiry prahramy «Obyčnoje utro» hetuju zajavu paprasili prakamientavać analityka Alaksandra Frydmana.
Pa słovach Frydmana, «Łukašenka tryccać hadoŭ raskazvaje kazki, što jamu niechta niešta prapanavaŭ. (…) Mahčyma, niejkaja hazieta niešta apublikavała. Jamu na stoł pakłali, jon pahladzieŭ — i voś, jamu niešta takoje prapanoŭvajuć».
Analityk upeŭnieny, što «heta ŭsio absalutna niesurjozna».
«Kali havaryć ab tym, što jaho sprabavali pierakupić (nazaviom heta jaho movaju), to ŭ minułym takija sproby byli. Ź im Zachad sprabavaŭ razmaŭlać jak z racyjanalnym čałaviekam», — nahadvaje Frydman.
Tak, pierad prezidenckimi vybarami ŭ 2010 hodzie ŭ Minsk pryjazdžali ministry zamiežnych spraŭ Polščy Radasłaŭ Sikorski i Hiermanii Hida Vestervele. U kancy 2010-ch naviedali daradca tahačasnaha prezidenta ZŠA Donalda Trampa pa nacyjanalnaj biaśpiecy Džon Bołtan i dziaržsakratar ZŠA Majk Pampiea.
«Jany z Łukašenkam razmaŭlali, sprabavali zrazumieć, jak jaho možna adsunuć ad Rasii. Jany zrabili niesuciašalnyja dla siabie vysnovy. Tady jany ličyli, što razmaŭlać ź im možna (Pampiea, chiba što, da hetaj pary tak ličyć), ale svaim jon nie stanie, jon na Zachad nie pojdzie, nie raźvierniecca»,
— havoryć Frydman.
Asnoŭnyja hulcy na Zachadzie admaŭlajuć Łukašenku ŭ subjektnaści, kaža Frydman.
«Łukašenka nie ŭsprymajecca jak surjoznaja fihura, jakaja adkazvaje za cikavyja dla Zachadu temy — pytańni biaśpieki i inšaje. Jaki sens ź im razmaŭlać, kali na luboje jaho rašeńnie moža być u luby momant nakładziena vieta z boku Kramla»,
— zaŭvažaje Frydman.
Łukašenka zajaviŭ, što razvaročvaje krainu z Zachadu na Uschod, a jamu prapanujuć vajavać z Ukrainaj suprać Rasii
«Demakratyja — heta možna žančynu hałavoj ab ścienku, kroŭ chvošča va ŭsie baki». Łukašenka raskazaŭ pra demakratyju
«Biełaruś naŭrad ci razhladaje nastupalnyja dziejańni suprać Ukrainy na danym etapie»
Kamientary