Na volu pa pamiłavańni vyjšła palitźniavolenaja pradprymalnica Viktoryja Haŭrylina
Maci dvaich dziaciej była prysudžana da 3 hadoŭ i 3 miesiacaŭ kałonii.
Pra vyzvaleńnie Viktoryi Haŭrylinaj u efiry prahramy prapahandysta Ryhora Azaronka paviedamiŭ Juryj Vaskrasienski.
«U jaje surjozny byŭ termin. Niekalki artykułaŭ. U tym liku 243, niavypłata padatkaŭ. Joj siadzieć i siadzieć jašče… Hady z dva, nie mienš», — zajaviŭ Vaskrasienski, skazaŭšy, što svajaki Viktoryi zabrali jaje z kałonii «z chviliny na chvilinu».
41-hadovaja Viktoryja Haŭrylina — pradprymalnica, tancorka, maci dvaich dziaciej.
Pavodle źviestak «Viasny», jana była ŭziataja pad vartu 27 studzienia 2023 hoda pavodle abvinavačvańnia ŭ finansavańni ekstremisckaj dziejnaści za achviaravańni pavodle art. 361-2 KK, a taksama pavodle abvinavačvańnia va ŭchileńni ad vypłaty padatkaŭ pavodle art. 243 KK i niezakonnyja dziejańni ŭ dačynieńni da piersanalnych źviestak pavodle art. 203-1 KK.
Razam ź Viktoryjaj byŭ zatrymany jaje muž Dźmitryj, jaki adbyŭ 30 sutak administracyjnaha aryštu i byŭ adpuščany na volu. Dźmitryj — dyrektar Homielskaha matoraramontnaha zavoda, vakalist etna-hurta «Ban-Žvirba».
Sudziŭ Viktoryju Haŭrylinu ŭ Homielskim abłasnym sudzie sudździa Anatol Sotnikaŭ, praces prachodziŭ u zakrytym režymie.
18 vieraśnia 2023 hoda byŭ vyniesieny prysud pa kryminalnaj spravie Viktoryi. Sud pryznaŭ jaje vinavataj u vydzialeńni hrašovych srodkaŭ dla zaviedamaha zabieśpiačeńnia dziejnaści ekstremisckaha farmavańnia, naŭmysnych niezakonnych zborach i nadańni infarmacyi ab pryvatnym žyćci i piersanalnych dadzienych inšaj asoby bieź jaje zhody.
Joj było pryznačana pakarańnie ŭ vyhladzie pazbaŭleńnia voli na termin 3 hady i 3 miesiacy z adbyvańniem u papraŭčaj kałonii va ŭmovach ahulnaha režymu sa štrafam u pamiery 100 bazavych vieličyń.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary