Zirnicie, jak vyhladajuć ukrainskija harady paśla šturmu rasijskimi vojskami.
Marjinka
Bai za nievialiki horad z nasielnictvam 10 tysiač čałaviek praciahvalisia da kanca 2023 hoda. Rasijski bok vykarystoŭvaŭ dla abstrełu ŭ tym liku i snarady ź biełym fosfaram. Za hod Marjinka była całkam razburanaja.
Vaŭčansk
Hety horad prykładna za piać kiłamietraŭ ad miažy z Rasijaj, u jakim da 2022 hoda žyło kala 17 tysiač čałaviek, staŭ arenaj bajavych dziejańniaŭ viasnoj hetaha hoda. U im išli žorstkija vuličnyja bai. Ad udaraŭ artyleryi i dronaŭ u Vaŭčansku vyharali cełyja vulicy. Horad byŭ amal całkam razburany.
Bachmut
Bai za Bachmut stali samymi praciahłymi ŭ hetaj vajnie. Kali ŭ mai 2023 hoda horad byŭ zachopleny rasijskimi vojskami, adpaviedna analizu spadarožnikavych zdymkaŭ u horadzie było razburana ci paškodžana 66% usich budynkaŭ. Da kanca bajoŭ u horadzie zastavałasia tolki 500 čałaviek z 70 tysiač davajennaha nasielnictva.
Maryupal
Pa acenkach AAN Maryupal byŭ samym śmiarotna niebiaśpiečnym miescam va Ukrainie. U chodzie žorstkich bajoŭ u centry horada było źniščana 93% šmatpaviarchovych damoŭ. 16 sakavika rasijskija vojski nanieśli avijacyjny ŭdar pa budynku dramteatra horada, u vyniku jakoha pa roznych acenkach mahło zahinuć da 600 čałaviek. 350 tysiač žycharoŭ z 460 tysiač nasielnictva stali biežancami.
Sievieradanieck
Bai za Sievieradanieck praciahvalisia dva miesiacy. U vyniku masiravanych bambardzirovak było źniščana ci paškodžana 90% budynkaŭ. Nasielnictva horada skaraciłasia sa 100 da 7 tysiač čałaviek.
Aŭdziejeŭka
Bai za horad praciahvalisia amal dva hady. Zimoj—viasnoj 2023 hoda rasijskaja armija pačała sistematyčnyja avijabambardziroŭki Aŭdziejeŭki. U niekatoryja dni na horad skidvali da 60 avijacyjnych bombaŭ. U vyniku jon byŭ amal całkam źniščany. Pa acenkach na pačatak 2024 hoda nasielnictva horada składała kala tysiačy čałaviek. Pierad vajnoj u Aŭdziejeŭcy žyło kala 33 tysiač.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?3
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
Na cahlinie stareńkaje piečy
Siadzić cixa maleńki, kudłaty
Damavik. I hladzić u pusteču.
Nie varušycca jon i nie płača,
Jon tut žyý užo bolš za stahodździe:
Son adkazna achoývaý dziciačy,
Straxi roznych hatunkaý advodziý.
Damavik da viasny rychtavaýsia:
Na aknie vyhadoývaý cybulu,
Kala piečy ývieś dzień prybiraýsia,
Prasavaý viesnavuju kašulu.
Jon pračnuýsia ad vybuchaý strašnych,
Bo paśla chatniaj pracy ynočy
I paśla važnych spraý učarajšych
Cixa cpaý y lubimym kutočku.
Nu čamu ž jon biadu nie pradbačyý?
Jon by ýcix ýratavaý hetym rankam.
Nie varušycca jon i nie płača.
A pa vulicy snoýdajuć tanki.
Na maýklivyja reštki-ruiny
Abyjakava kocicca viečar.
Damavik na maleńkaj cahlinie
Usio siadzić i hladzić u pusteču.
© Copyright: Hanna Lipčanskaja
2022
http://vershy.ru/content/damavik-0