Jeŭrapiejski sud abaviazaŭ amierykanskuju kampaniju Apple vypłacić Irłandyi 13 młrd jeŭra niavypłačanych padatkaŭ. Takim čynam, kanstatuje Bi-bi-si, zaviaršajecca sudovaja ciažba, jakaja doŭžyłasia vosiem hadoŭ.
Pieršapačatkova, jašče ŭ 2016 hodzie, Jeŭrakamisija abvinavaciła Irłandyju ŭ davańni Apple niezakonnych padatkovych ilhot. Dublin nastojvaŭ na svajoj racyi. Ale sud pahadziŭsia z abvinavačvańniem. Ułady Irłandyi paabiacali vykanać vyniesienaje sudovaje rašeńnie.
10 vieraśnia zaviaršyŭsia jašče adzin daŭni sudovy praces z druhoj amierykanskaj hłabalnaj kampanijaj Google. Jeŭrapiejski sud pastanaviŭ, što kampanija złoŭžyvaje panujučym stanoviščam na jeŭrapiejskim rynku i vypisaŭ joj štraf u pamiery 2,4 młrd jeŭra.
Kiraŭnik antymanapolnaha viedamstva ES Marhrete Viestahier nazvała vyniesienyja rašeńni suda »vielizarnaj pieramohaj dla jeŭrapiejskich hramadzian i padatkovaj spraviadlivaści».
U spravie Apple Jeŭrapiejski sud nie stolki vynies novaje rašeńnie, kolki paćvierdziŭ pieršapačatkovuju pazicyju Jeŭrakamisii z hetaj nahody, vykazanuju jašče ŭ 2016 hodzie. Irłandskija ŭłady niezakonna dali kampanii padatkovyja lhoty. Ciapier Apple zadniaj dataj pavinna pakryć roźnicu, jakaja ŭtvaryłasia z 1991 pa 2014 hod.
Padatkovyja lhoty, dadzienyja irłandskimi ŭładami kampanii Apple, byli pryznanyja niezakonnymi, pakolki kankurenty Apple, jakija znachodziacca za miežami Irłandyi, nie mahli raźličvać na anałahičnuju finansavuju padtrymku.
-
Pucin i Alijeŭ abnialisia paśla sustrečy na samicie ŭ Dušanbe
-
U Pieru Kanhres prahałasavaŭ za impičmient prezidentu za «pastajannuju maralnuju niedziejazdolnaść» jak kiraŭnika krainy
-
Namibija stała suśvietnym lidaram pa kolkaści žančyn na top-pazicyjach — prezidentka, vice-prezidentka i śpikierka. Ale jość niuansy
Ciapier čytajuć
Łosik: Ja musiŭ vyjści ŭ červieni razam ź Bialackim, ale ŭ apošniuju chvilinu nas zamianili na inšych1
Kamientary